早前一晚特登煲落多杯米，留返第二日晏畫炒飯食。
炒飯無論點搭配，都咁好味㗎啦~~
求其D新鮮粟米粒，鹵肉，古月粉，香蔥，已經非常非常好味`~
要呻D嘢，頗長，可跳過唔睇。。。。
晚餐，約佐二叔，即係強哥嘅二弟返嚟屋企食飯。
已經係我第二次俾電話叫佢過嚟食飯。
我唔知一個為人兒子嘅三十六歲男人，多數會係樣睇「父母與女友」之間嘅關係輕重。
依個二叔，再之前嘅一個星期六，奶奶煮佐成台餸菜，約佐四兄弟個個返屋企食飯，主題係要同二叔趁假期個個得閒，提早幾日幫佢慶生日。如果有人咁樣幫我做生日，講真，求之不得，感激涕零。
不過結果，係除佐主角之外，人人到齊。
奶奶話「至緊要個仔開心，阿媽就開心㗎啦」
老爺一旁話「成二個幾月無見過個仔」
依日再次約佐二叔，話幫佢燒好幾隻NDS同PSP嘅Games俾佢，叫佢收佐工過嚟羅，順便叫埋女朋友一同上嚟飲啖湯。
得到肯定答覆之後，俾電話奶奶，約佐奶奶都嚟我度一起食飯，順便見個二叔，俾個無機會俾嘅生日利是佢。果日落住大雨，我問奶奶，一係我自己俾住利是二叔，下次見到奶奶再俾返我，咁佢唔使咁辛苦過嚟羅，不過奶奶一聽二叔會嚟我度，係都話要過嚟。
好啦，強哥俾電話二叔，話阿媽都要過嚟，哈，好啦，二叔嘅女朋友，就因為另外有事，唔上我度飲湯了，無所謂，唔嚟總好，我洗少隻碗。
煲佐一個老黃瓜赤小豆意米湯。
落多二片果皮，香好多。。。。
熱天飲咁樣一啖湯，利尿去濕，係極好嘅一款湯水。。
另外，有一舊湖南臘肉，唔係好咸，帶有好濃郁嘅煙薰味，我好鐘意。。。。
食落味道同煙肉就係一樣樣㗎~~
買佐一扎青豆，剁少少蒜蓉，同煙肉一起炒做一碟。。。
沒有留言:
張貼留言