蒸糕

見得閒,蒸底馬拉糕糕嚟食下.

完全無分量,感覺為上.

低筋麵粉,牛油,黑糖,雞蛋,牛奶,乾依士,係咁易搞成個粉漿,擺室溫下發酵至兩倍大,轉個碟,蒸三個字,即成.

好興趣可以搵返以後寫過黑糖馬拉糕嘅作法,有詳細份量.

不過事實證明,就算求其落,只要唔太過份,一樣無問題.

蒸得好鬆軟.

一聞到味道,陳小友已經忍唔住係身邊轉來轉去~~~

我知道好多家長連廚房免得過都唔會俾小朋友入嘅.

咁我覺得小朋友已經有足夠嘅手部控制能力,我唔想係我睇唔到嘅情況下佢自己去探索廚房事物,所以盡可能有大人係旁邊睇住嘅情況下,佢有興趣嘅,我都會俾佢嘗試屋企嘅事物.

譬如刀.玩具刀佢就玩得多,真嘅,又等佢試下~~~~

等我左一刀,右一刀~~~~

玩夠,食喇~~~

真係超超好味啊媽咪~~~

好味都唔洗咁狼吞架仔~~~

晚餐,清雪櫃之亂煮.

清清哋其實我覺得好好味.

朋友南京返,帶佐鹽水鴨俾我試.

覺得有少少鹹,整佐碗糖醋汁伴食.

鴨肉好新鮮,好緊實,又鮮甜,

開飯