六個半月人仔試蛋黃粥

因為唔知信丞食蛋會否皮膚敏感,所以一路無俾佢試過,依幾日強假期在家,咁今日就試下煲蛋粥,真有咩事上黎,都有強哥係大廳,唔洗驚嘛~~

今日有雞蛋黃粥食! 

煲少少粥,二茶匙米,一碗水,用壓力煲煮,三個字煮至粥米開花,快靚正.







壓力煲煮的粥未煮出膠質感,需另外置於爐頭,再中細火煮多一個字.

輕輕用匙攪壓幾下,粥已又綿又靚.煲好個粥底,前後不過需時二十分鐘,無預先用水浸米,因為浸過水,米的營養成份會流失.

取蛋黃,我用比較取巧的方式,比烚蛋再取蛋黃簡單快捷得多.
將蛋打開,取蛋黃一隻,蛋白唔要.

煲少少水,煲滾後,用湯匙一個方向攪動,等水形成一個渦旋形.

趁渦旋形未停之際,將蛋黃倒入,讓水的流動性將蛋托起而保持到一個完整性.


平時早餐煮水蛋,全蛋一樣可以咁整.

一分鐘煮熟個蛋黃,將表面的些許蛋白刮走,再壓成蓉,即成.
幾簡單.

第一次試食蛋黃,試少少,取三分一的蛋黃,撈入粥度,蛋黃粥,搞掂.

請自動忽略丞背後的人肉佈景板，多謝！

不愧為新一代「食物焚化爐」，清哂！