簡單兩味

煲啖湯飲。蕃茄薯仔牛尾湯。





材料就果幾樣，蕃茄薯仔加牛尾，牛尾出水之後全部材料擺入煲度煲夠鐘數就搞掂。

有少少油，片佐啲油，好開胃嘅一款湯水。

炒多碟菜，蒜苔豆腐干甘筍青椒絲五花肉薄片，加麵豉醬炒埋一大碟，係處理雪櫃剩餘物資最一流。

另一日，奶奶整好啲大腸拎嚟俾我。

超多年無食過大腸，超開心。

用咸酸菜炒。

咸酸菜浸過水，豬腸處理好，青椒絲少少。

大腸已經預先用快速煲整腍佐嘅，煮嘅時候，落鑊煸啲油出嚟，落少少豉油俾啲味，最後落青椒同咸鹽酸菜炒炒，俾少少水煮一煮，等味道可以滲入所有材料度，起鑊前俾個芡，搞掂。

好好味啊大腸~~

炒多碟韭菜。

奶奶拎佐幾多下啲大腸。

留起少少，第二日麵豉青椒炒。

比咸酸菜炒總要好味添~~~

蒜蓉炒多碟菜仔。

好想食蒸水蛋，蒸多碟水蛋，開飯~~~

某日晏晝。

早餐食凈一細截油炸鬼，唔想嘥佐佢，打個蛋，加少少水同鹽，發勻佢，浸佐煎碎嘅油炸鬼入去。

蒸六七分鐘，因為好細碟，一隻蛋咋。

蒸好後一碟水蛋蒸油炸鬼。

香就真係好香，不過唔適宜送飯，可以當小食咁嚟食。

前一晚有炒唔哂嘅菜，加埋少少豆卜炒埋一碟。

開飯~~~