食蘿蔔

通常周末都會唔會係屋企食飯，所以空閒落嚟嘅時間，會炖啲糖水作滋補，聊勝於無。

依個星期花膠糖水，唔用鮮奶，改為紅棗炖，希望對補血有少少幫助。





材料同做法都好簡單「白花膠三片，紅棗適量去核，冰糖，清水」

文火炖一個鐘足夠。

炖一次約莫三碗，同強哥一人一碗，飲凈一碗擺入雪櫃，第二日熱返佢再飲過。

紅棗炖嘅味道，淡淡紅棗嘅香味，好清潤~

另一日晚餐，食蘿蔔乾。

蘿蔔同少少半肥瘦肉，落鑊乾炒出香味。

倒入青椒粒繼續拌炒出香味。

最後俾少少蠔油較味，搞掂~~

好香口，無論愛嚟拌麵或者配飯，都好一流~~

好想食蘿蔔，咁就大半條蘿蔔切粗條，同肉絲炒埋一碟。

開飯~~~