一雞兩味---薑蒜炒雞、九層塔炒雞

尋日阿媽過嚟我度食飯，總帶佐一大樽酸薑俾我。

咁大一樽，切都有排切啊，阿媽話就咁一樽，用佐二斤嘅嫩薑整㗎。。

 

買佐隻清遠雞炒嚟食。炒法勁簡單，係自細我就好鐘意嘅一种食法。

雞斬件之後，用薑同蒜頭爆香鑊，倒雞件入去炒至雞干身，落老抽生抽糖，少少酒，加水燜。

唔好加太多水，因為係靚雞肉，加太多水燜得太腍就食唔到雞本身嘅香滑。

學識自己斬雞之後，已經好少好少買雞亦嚟食，覺得雞亦嘅肉越食越恐怖，好似咬紙咁，乜味都無，次次整好都係一隻起二隻止。

以前唔識得斬雞，唯有買雞亦最方便，但係依家真係覺得雞亦食唔落，寧可貴少少買靚雞，自己對自己個胃嘅享受，要負責㗎~~

 

買佐一扎九層塔，九層塔炒雞真係一流。

其實就係一隻雞，炒好之後，一半裝好原味，留返一半，最後再開少少火，倒九層塔入去炒一炒勻，咁就變到完全唔同味道啦。。。。

其實台式三杯雞嘅做法，根本就係咁樣做㗎。。。。

一半原味炒雞，一半九層塔炒雞。。。。

一雞兩味~~

總有少少韭菜花，因為太少，咁就加佐豆卜同臘腸，又炒埋一碟。。。。

 

加埋隔夜蓮藕湯一兜，三餸一湯~~

三人食。。。。

 

今日早上整蛋治俾老公，用生鐵鑊煎蛋㗎，煎得個太陽蛋好靚，影像一張以示記錄。