自己屋企整食物嘅靈感同做法，通常來自街外食過或者食譜書上。
無謂話正宗與否，只要大致神髓相近，已覺滿足。
更何況，對於「正統」一說，實在覺得根本是在「各施其法」之後，得以大眾認可並持續發揚下去，久而久之即自動升級成為「正統」。
即是話，所有正統的前身，都曾經歷過「籍籍無名」的過程。
因此從來不願狹隘地去標識一種事物是否「正統」，區別於我只在於「好」與「不好」。
只有不拘泥於「傳統」，於傳統嘅基礎之上不斷適應當其時的需求而做出調整，先至會不斷衍生唔同形態嘅物種令生活越來越豐富。
最簡單地例子，廣式鮮蝦雲吞，包法簡單，只是將餡料包好之後，好隨意地一捏，幾秒完成一個雲吞，係商家追求時間與速度之下嘅衍生物。
無從考究，廣式雲吞與中國傳統嘅雲吞是否出自一家，只不過無論係餡料或者外形，都已經係大相逕庭，廣式雲吞，已形成自家風格，擁用一席之地，成為經典。
雲吞係國內嘅叫法，係「餛飩」，相較之下較為鐘情「餛飩」二字，古有「混沌初開，乾坤始奠」之說，世間萬物，均由混沌開始，將一種食物賦予「混沌」之意，感覺好有意境。
-----------------------------------------------------
尋晚包餛飩，無論係包法或者餡料，都采用上海一帶做法。
相較廣式鮮蝦雲吞，更為纖細精致。
而且菜多肉少，食落更為清爽。
因為自己一個人影像，所以唯有將包法動作分解再影低，俾有興趣嘅朋友都可以自己係屋企嘗試。
去圖~~
1。皮我會選擇白色依款，好驚加佐蛋嘅果種雲吞皮，因為加蛋嘅同時，總落佐勁大量嘅鹼水，食落一嘴都係莫名其妙的鹼水味，非常掃興，所以買嘅時候，要買依款白色嘅雲吞皮。
2。
3。
4。
5。
包法講佐，再講餡料。
買佐一斤嘅青江菜或者上海青甚或小棠菜？即係下圖依款~~
做法：
1，將一斤菜洗凈之后，稍稍煮一陣間，等佢變軟。
2，半斤唔到嘅免治豬肉，先用少少鹽糖生粉麻油一只蛋，攪至起膠。
3，青江菜出過水之後剁碎。
4，再將上圖兩者混合一起。
PS. 我諗諗下，又浸發佐幾大朵香菇，剁佐粒粒加埋落去，加佐香菇粒粒，係香好多好多㗎，所以建議材料方面，再加多一碗仔香菇粒。
睇下，包好之後，係咪勁似一綻元寶~~
一邊睇電視一邊係度包，無幾耐，就包佐成四十幾隻啊。。。。
因為好大隻，肯定食唔曬，所以雪佐一打係雪櫃，第二日想食再煮。
睇下，煮好之後，皮薄餡足，我凈係食到第六個，已經勁飽啦。。。
本嚟總洗佐生菜要灼嚟食，睇到咁大隻嘅餛飩，睇怕都食唔落，唯有等第二日再煮啦~~
用雞湯做湯底，落少少香蔥入去，勁清爽嘅一餐~~
沒有留言:
張貼留言