慳水慳力---蒸臘腸飯、酸辣豆角粒粒

洗幾粒米，一條臘腸，幾粒魚肉燒賣，一個咸蛋，蒸埋，就係兩個人嘅一餐啦~~

勁簡單。。。

滾多一個豆芽湯，簡單~~

有飯有餸有埋湯~~

 

-------------------------------------------------------

第二日，懶開有條癮，有一扎豆角，咁就炒一個酸咪咪，勁開胃嘅炒酸辣粒粒。

材料：豆角一扎切粒粒，肉碎五蚊醃好味，酸蘿蔔一碗仔切粒粒，蒜頭切粒粒，辣椒干少少。

 

做法：落油爆香蒜頭同辣椒干，肉碎略炒，倒入豆角同蘿蔔酸（如果無蘿蔔酸可用白醋代替），炒炒炒，然後落少少水焗一焗入味，裝碟食得~~

蘿蔔酸嘅做法可參考依個網址：蘿蔔酸嘅製作過程

咁樣一碟酸酸辣辣嘅豆角，真係勁開胃。。。。

 

老公超鐘意食紅腸，我真係唔識欣賞，不過耐唔耐買條返嚟，懶得煮餸嘅時候，切半條煎香香，再淋一匙仔麻油同甜豉油，已食得`~

 

又係幾分鐘就上得檯嘅一餐~~