通常一早起身整完一家人早餐後，就同小朋友去公園玩一兩個鐘左右，然後買餸，就返屋企，返到屋企準備午餐，午餐完小朋友瞓覺，我就搞屋企衛生，然後準備晚餐要用嘅餸菜，整完一輪，小朋友瞓醒了，同佢衝涼，玩下遊戲，老公收工返嚟，要煮飯。。。
一日由瞓醒果刻開始就不停地做做做無停過，對於體力真真係好大嘅挑戰，如果俾我揀，我寧願返工都好過係屋企做家庭主婦，因為真係太太太辛苦嘅一份工。
同老公商量過後，大家意見都係自己睇返小朋友會較為安心，所以在頗長嘅一段時間內，我都係要繼續咁樣嘅生活，希望小朋友返佐學，我會輕鬆啲喇，但做家庭工真係唔係一件優差，特別係屋企有一個年幼的小朋友嘅時候，真係好透支體力嘅一件事，所以屋企有請工人幫手嘅家庭，特別屋企小朋友總係好細嘅時候，請善待屋企嘅工人喇，因為真係無得停過，好辛苦架~~~
依日趁小朋友瞓佐覺，搓麵粉整少少餃子，咁中午返嚟碌幾個餃子就食得，唔洗再煮太多餸~~~
用瘦肉，木耳，蓮藕刨蓉，少少鹽同糖較好味，就整好餡。
自己搓皮，小朋友鐘意食餃子皮多過餡添，整厚身少少。
一次整十幾個，好輕鬆。
同小朋友飲完下午茶返嚟先瞓嘅，所以晚餐預佐佢無乜胃口，所以少少哋碌佐四隻俾佢。
好香好滑~~
已經瞓到成六點鐘未起身，走去輕輕拍醒佢~~
叫醒佢果刻應該有少少唔開心，扁哂咀~~~
但再睇真啲，係媽媽嚟~~~
笑返~~~
佢瞓覺前我做緊其它事，佢玩到眼瞓，就自己走上床瞓再自己蓋被嘅，中途去睇見佢好熱成頭汗，就幫佢轉成我件衫俾佢，所以佢一醒返好好奇問我：點解變成媽媽件衫衫嘅~~~~
亞仔嘅獨立性一部份係天生，另一部份係我哋自細刻意養成，好簡單，做父母嘅少做啲，小朋友自然就識多啲~~~
