早餐

早餐整三文治又快又正，屋企經常整。

依日整餐蛋治。

我鐘意蛋另外食。

信丞唔俾佢食餐肉，就自製果占加蛋早餐。

另外一日，無整，買現成。

小朋友超開心食甜甜早餐。

我對甜物一向麻麻，所以食少少就夠。

熱氣

未試過咁熱氣，眼又紅又腫，喉嚨痛到連吞口水都辛苦。

即時走去藥房買佐一包草藥。

配佐一兩蒲公英，所費不過四蚊雞。

用蒲公英煲水當茶飲一日，比任何西藥嘅消炎藥都有效，而且藥效溫和，就算小朋友飲都無問題，針對喉嚨痛，有特效，而且無任何副作用，比西藥好得多~~~

用個煲魚湯嘅袋入起洗凈嘅草藥，落一大壺嘅水，水滾後煲十分鐘左右即成。好易咋~~~

入起一大壺，全日凈係飲佢咋~~~

非常非常神奇架，飲完一日，第二日一覺瞓醒，個喉嚨痛完全無哂~~~~

有少少甘甘哋，怕苦味可以落少少片糖。

亞仔飲完一啖~~

媽媽，我都係飲返清水好喇~~~

椰汁黑糯米

前一日食凈有一碟梅菜腩肉，所以淥多碟菜，就食得。

整生菜包

意料外嘅好味，超好味~~~、

信都要玩埋一份~~

買佐黑糯米好耐無煮過。

依日好想食甜品，咁就洗乾淨啲黑糯米，一碗仔左右嘅份量。

擺入壓力煲，黑糯米加清水，用壓力煲就煮佐三個字就已經煮淋佐，如果普通煲仔煮，需時大約一個鐘。

煮好後，落片糖，落椰漿，再煮一煮滾，即成~~~

逢煮任何落椰漿嘅食物，椰漿都一定最尾落，因為太早落，會一邊煮一邊出椰油，所以一定要最後先落就啱了。

好味~~

宵夜

晚飯係出邊食完先返屋企，小朋友無好好食飯，所以返到屋企，再整返個三文治俾佢。

整最簡單嘅芝士三文治。

兩邊煎一煎

最緊要芝士融佐~~~

外脆內軟，加埋芝士嘅香~~~

丞好鐘意~~~

爹地話想飲糖水，所以預先買佐包腐竹，晚上煲一煲腐竹白果意米糖水。

加隻蛋入去，丞好鐘意飲依款糖水~~~~

食完成份三文治，再飲多碗糖水，無問題`~~

先飲完糖水，再食蛋。

食完一大啖蛋，望一望個碗，話俾媽媽知，凈返幾粒細細粒嘅蛋咋~~~

炒麵

好遲先食佐晏，所以晚餐簡單啲煮就好。

炒個麵大家食。

基本上炒麵隨個人鐘意，落乜都得。

小朋友嘅炒麵味道較清淡。

我地睇落豐富好多，麻辣味道嘅炒麵~~~

一睇到炒麵，即時覺得無胃口，一扁咀，扭轉面~~~

為，小朋友，你有無諗過麵條嘅感受啊~~~

媽媽，我好飽飽，無胃口~~~

好喇，咁食少少就算喇~~~

揀哂啲蛋嚟食，凈低啲麵，俾哂爹地~~

酸辣魚仔

強哥最愛的一款印尼小食。

用油分別炸香「花生，魚仔，乾蔥碎」三款主要材料

魚仔本身像小咸魚，咸乾帶咸味，我依次用在韓國買回來的細咸魚仔，我不太鐘意買日本的公魚乾仔，略帶苦味，有時我都會用丁香魚代替，一般的海味舖都會有售，通常擺係雪櫃入邊不會擺出來，要問店家才知道有沒有售。

三種材料分別炸香後，準備亞參（ASAM）糕，東南亞材料店有售。如果買不到用白醋也得，味道稍遜。

亞參是一種植物的肉，極酸，帶天然的植物香味，比醋更好用。

買回來的亞參糕用水調稀，里面的核要取走。

用量視乎自己製作的材料多寡決定，可以自己試味。

用油爆香少少辣椒，我用大枝瘦長型嘅紅椒，取其椒香味，帶甜味而無太多辣味。

倒入亞參水煮到醬汁變濃稠，自己落糖試味，不需要額外俾鹽，因為魚仔本身帶咸味。

 等醬汁完全冷卻下來後，倒入預先炸好的蔥頭，花生和小魚仔拌勻味道即成。

一定要等酸甜汁冷卻了才倒入炸好的花生小魚仔，否則倒汗水會讓炸物變軟，就唔會酥脆了。

入樽擺住慢慢食，得閒煮啲黃薑飯，就咁撈依味魚仔就已經好開胃好好味。

烚蛋

烚蛋是最常煮給孩子吃的一樣東西。

不記得有沒有和大家分享過這種煮法，我懶得翻找以前寫過的東西，也不太記得很多往事，所以如果以前博客說過就當再溫習一下吧，哈哈~~

取廚房紙一張，濕透。

舖在電飯煲底下，把洗凈的生蛋擺入。

按下煮飯製

 飯煲自動跳了，蛋也就煮好了。我今天是沒馬上把蛋取出，放在鍋里焗了一下下，蛋熟過頭了。有點乾。

要不這樣煮好的蛋，蛋黃還帶一點點糖心，很好吃的`~~

又不用看火也不用怕蛋爆口，比很多煮蛋器都要方便吶，從丞開始吃蛋我都是用這樣的方式在煮蛋的~~~