強哥會義室裝修工程記

近兩年強哥長期係中環一間大廈樓上樓下做各間寫字樓的大細裝修工程，最慘係平曰要照顾其它部门的正常運作，所以每次只能搞其中一間的裝修，總要淨係禮拜六曰兩曰先可以開工，搞到一個工程要拖長好多時間，同我好耐無得拍拖，好慘。

不過都不及強哥咁辛苦星期一至五要睇其它工程，周末都無得休息，辛苦哂 !

依個星期終于又搞掂期中一間，我見好靚，又擺上來幫佢記錄。


依次係一間會議室嘅工程，每個星期做兩日，一共做佐八個星期先至完工。

依個係再之前另一個會議室，一樣係用佐八個星期完工。

油漆部份就係強哥嘅四弟負責，絕對靚手工㗎~~~

傢俬部份就響廠訂造，全部都見得大場面，係咪好靚咧~~

最近強哥周一至周五做緊一間好幾千呎豪宅嘅裝修，不過要做到年尾先可以完工,到時得到人客嘅同意，又擺上嚟俾大家欣賞下。

置地裝修篇（一）

新年之前已經confirm佐置地嘅依個Job係由強哥公司嚟負責。

其實早係十幾年前，強哥公司就已經開始同依間公司合作，不過後嚟因為人事變動等等因素，依幾年嘅新舖俾佐其它公司去做，所以今年再接觸返依間公司，見返相識佐十幾年嘅舊臣子，與故友相逢嘅感覺，對強哥來講，有工作以外嘅另一份喜悅。

客人公司嘅所有舖頭都另外請意大利嘅設計師做設計，所以依單Job強哥唔需要設計，強哥要負責將設計師嘅概念變為現實。

 

其中一張設計師俾嘅圖。

 

強哥公司有自己合作開幾十年嘅傢俬廠，大家合作佐咁長時間，對彼此已有足夠嘅默契同信任，所以自接到依單工程之後，強哥都多次親自上去廠（廠係惠州），同廠研究工程嘅細節。因為係一個裝修工程入邊，木器佔有嘅比重，係最大嘅。

廠為佐依單Job，係廠房入邊，開設佐一個同置地舖頭入邊1：1咁大嘅空地，畫好線，以確保所有傢俬最終製造同擺設都能符合設計師嘅要求。

依啲，叫做認真。

 

設計師嘅想像係天馬行空，以型格為主，但係最後嘅一磚一物，全數要由強哥同班師傅去負責諗掂同製造出嚟，絕非易事。

下圖為強哥同廠嘅師傅認真研究緊

全部照著圖紙去做

 

真係1：1㗎~~

 

晚晚係公司開OT嘅強哥~~~

同樣留係公司開OT嘅唔止強哥，總有強哥好尊重嘅，亦恩師亦長輩嘅公司老闆。

老爺早年去行船，後期又搞漁排，所以一向都極少留係屋企，基本上強哥嘅成長過程，老爺都唔係佢身邊，而且老一輩嘅人，甚少會將自己嘅感情表達出嚟，所以強哥同老爺於感情上，某程度俾我感覺，係無咁親密嘅。

（可能依個就係父子同父女嘅區別，男人對感情嘅表達方式，係會比較內斂，唔似我，自細就鐘意痴住阿爸，要抱抱，要錫錫，總會口甜舌滑地同阿爸講「世上最愛係爸爸」~~

雖然，依家依句詞變成「世上最愛係哥哥」~~~）

可以想像得到，初涉社會嘅強哥，入佐公司之後，除佐工作上，得到老闆給予的機會，同埋咁多年嚟，佢對強哥嘅果份欣賞與包容，在工作之外，遇到困難時對強哥嘅提點與實際地支持，加埋年長於強哥甚多的關係，某程度上可以講，佢彌補佐強哥於父子情感上嘅果份缺失帶來的少少遺憾。

可能強哥自己唔多覺，但係我咁耐嚟聽到強哥講起依位長輩時嘅態度同語氣，係可以感覺得到㗎。

所以有時強哥返到嚟同我講，佢同老闆發脾氣，或者係佢對於依位長輩某時的表現頗有微詞時，我反而覺得，似係個仔發緊老豆脾氣咁嘅款，所以都禁不住提醒下「係公司圓滑哋好喎，無太過將情緒私人化」

不過，我都知性格依家嘢，又點會有得改啊~~~

 

並不係凈係識得座係公司，「我最有責任感嘅強哥」每日都會落地盤睇住進度，下圖係收佐個舖，要開工拆佐舊舖前嘅情景。

開始拆嘢啦~~~

 

破壞，更多時係為佐盤涅後嘅重生而準備。

 

前晚強哥返到屋企，嚇佐我一跳，成個雪人緊~~~

無計啦，地盤拆緊地台，搞到煙塵滾滾，好彩佢有帶口罩~~~

睇嚟我都要整返啲去塵嘅湯水俾佢飲下先得啦。

 

拆拆下，睇下，拆到啲咩？

咪就係舖頭嘅防盜感應器囉，記住啊，任何時候，都唔好高買啊~~~否則被人捉到，依個污點，將會伴隨一生~

 

將佢小心拆出嚟，再包裝返靚靚擺埋一邊，以後新舖都用得返嘛~~~

依啲，咪叫負責囉~~

 

睇住一片狼藉嘅地盤，好期待快啲睇到裝修完成嘅模樣。

以上圖片由強哥提供，文字由強嫂撰寫

 

我係行外人，所以我係以一個旁觀者嘅觀點去講述自己嘅感覺，希望強哥咪笑我~~~

 

開始幫強哥記錄佢嘅工程人生

強哥一家四兄弟，各有所長。

大佬即係強哥，做設計同埋工程統籌近二十年。

二佬做木工，俗稱「逗木佬」，近十年經驗

三佬做水電，係大公司做冷氣師傅，都有十幾年經驗

四佬做油漆，都有近十年經驗，手勢一流

 

初識強哥，知道佢屋企各人手藝之後，曾打趣咁話「你哋幾兄弟拍住上，都夠料自己開間裝修公司啦」

不過事實係，幾兄弟各自為政，各為其主，經過多年嘅行業洗禮，順理榮升師傅之位。

強哥絕對係一個長情同專注嘅人，由畢業後，跟係大佬後邊學習嘅青年人，成長為今日能夠獨當一面嘅中年人，都係任職於同一間裝修公司。

做佐咁多年嘢，經手嘅工程不計其數，其實各種類型嘅工程，係強哥本身一种資歷嘅積累，同時亦係佢自己「無形資產」嘅一种累積。

如果就咁做完就完，我覺得實在可惜，鑒於網絡嘅便利，我打算自此，將強哥經手嘅工程以圖文方式記錄落嚟，算係幫佢嘅「工程人生」，做一個更系統更直觀嘅收集同記錄。

好彩老公一向有將工程進度影下相記錄自己進度嘅習慣，所以，對強哥嘅工程記錄，就可以由依家進行中嘅依單Project 開始。