一紙之約

婚姻不過一紙之約，並非人生之中最大的改變。

對於人生至大的考驗與改變發生在有了下一代之後。

隔壁小倆口上月添丁，初生小兒的種種折磨尚且記憶猶新，不過月餘之間，小倆口已爆發數次口角衝突，其實很是理解，壓力與體力透支使然。

當然的，初生小兒無分日夜的生活節奏對於成人無疑是一種日以繼夜的挑戰，不斷衍生毫不間斷的家務活全天24小時重複又重複，對於只有小倆口獨自面對的小家庭而言，夫妻間對於生活突如其來的精神與體力的壓力都是生命當中最大的考驗，在可以想像的很長一段時間，這樣的生活看來都必需繼續，才更叫人因壓力之名感覺沮喪。

婚後育有子女的夫妻間最容易因為育兒問題產生口角，生活的重心也完全性地轉移至兒女身上，夫妻之間的交流除卻子女的種種，其它的一切都變得可有可無，時間的空隙更是被潮水般的家務俗事填充得天衣無縫，不是他洗，便是她忙，日積月累下來的夫妻關係，與其說是屋內的夫妻，更不如說像是同屋而居的一對男女，且美其名曰，一切為了子與女。

且不說什麼才是對子女最好的家庭存在，對於夫妻關係而言，會一路陪伴自己走到最終的，不是身邊的另一半，難道還巴巴地指望子女會在指縫間擠出若干時間？怕是各有各難處，真是長期伴在左右的子女，怕是擔心更勝開心吧。因此在我看來，維持與經營好自己的夫妻關係，才能令到家庭氛圍輕鬆與愉快，才能叫生活在其中的家庭成員，真正感受到安全與溫暖，如此的生活環境，怕才是做為父母所能給予子女，最好的一份禮物吧。

行下

生之日

今曰係信丞婆婆的生日，聽日係信丞媽咪的生日，大後日係信丞BB自己的生日，祝我們祖孫三代，日日快樂！

在網頁內增加「最新留言」與「分頁數」的設置

參考其它網友的做法，自己設置成功，所以又分享上來俾大家。

等大家的網頁使用上來「更就手」

首先介紹增加「最新留言」的設置方法。（點擊可看大圖）

1：進入後台管理，點選「頁面配置」

將BLOG由YAHOO搬至BLOGGER的一個方法

因為我YAHOO的資料備份尚未完成,所以未經證實依個辦法是否可行,不過理論上應該係可以做得到.

第一步:首先進入YAHOO提供資料備份的網址,將自己BLOG過往的內容備份入自己電腦中.

可進入依個網址進行:  點擊此處進行資料備份

第二步:返回自己BLOGGER,進入設定頁面,如下圖所示,點擊設定

YAHOO孤兒仔女若轉新地方寫BLOG,可參考我粗略的教程

因為一直有GMAIL的賬號,所以很理所當然地用了GOOGLE的BLOG平台,GOOGL近年業務的發展一直能夠推陳出新,希望能在新的空間做到安定的居住,不必擔心隨時被人逼遷的動盪.不過很明顯看得出GOOGLE亦為自己留了一個很好的退路,有機會在不可知的未來有機會收取客戶一定的費用,所以如果介意的網友可以自己衡量是否有必要轉至這個平台.建構新BLOG平台,最簡單是申請一個GMAIL的的賬號,然後就可以進行具體的BLOG建立.

或可進入這個網址進行:       http://www.blogger.com

(點擊可看大圖)

第一步:點擊箭咀所指地方,開始構建BLOG平台

新平台BLOG的建構圖示說明

因為一直有GMAIL的賬號,所以很理所當然地用了GOOGLE的BLOG平台,GOOGL近年業務的發展一直能夠推陳出新,希望能在新的空間做到安定的居住,不必擔心隨時被人逼遷的動盪.不過很明顯看得出GOOGLE亦為自己留了一個很好的退路,有機會在不可知的未來有機會收取客戶一定的費用,所以如果介意的網友可以自己衡量是否有必要轉至這個平台.

建構新BLOG平台,最簡單是申請一個GMAIL的的賬號,然後就可以進行具體的BLOG建立.

或可進入這個網址進行:       http://www.blogger.com

(點擊可看大圖)
第一步:點擊箭咀所指地方,開始構建BLOG平台

新地方,新氣象,舊的不去,新的不來.

新BOLG地址:

http://eva12478.blogspot.hk/




未必係一件壞事,面對YAHOO每況愈下的表現,換過一個新地方重頭來過,可能會有更多驚喜感受.

YAHOO已至暮年,不思進取,不求有功,但求無過,以此敷衍態度行事,關門大吉不過係早晚的事



總要向前望,新BOLG試玩下,好多功能比YAHOO更有誠意,對於我來講,唯一不捨的係大家的依份熟悉感覺,至於話無佐的文章,可以慢慢再積累,希望YAHOO真係可以做到將舊文章轉到新地址,因為我記性唔好,好多食譜我自己都要睇返舊文先記得返,相信好多網友都一樣.

新BOLG是GOOGLE名下產品,大家如果想寫返網誌,只需要先註冊一個GMAIL的郵箱,就可以開返一個新的BLOG平台,簡單易上手,係一個唔錯的選擇.



歡迎大家去我新居行一轉. 

新地方,新氣象,舊的不去,新的不來.

新BOLG地址:

http://eva12478.blogspot.hk/




未必係一件壞事,面對YAHOO每況愈下的表現,換過一個新地方重頭來過,可能會有更多驚喜感受.

YAHOO已至暮年,不思進取,不求有功,但求無過,以此敷衍態度行事,關門大吉不過係早晚的事



總要向前望,新BOLG試玩下,好多功能比YAHOO更有誠意,對於我來講,唯一不捨的係大家的依份熟悉感覺,至於話無佐的文章,可以慢慢再積累,希望YAHOO真係可以做到將舊文章轉到新地址,因為我記性唔好,好多食譜我自己都要睇返舊文先記得返,相信好多網友都一樣.

新BOLG是GOOGLE名下產品,大家如果想寫返網誌,只需要先註冊一個GMAIL的郵箱,就可以開返一個新的BLOG平台,簡單易上手,係一個唔錯的選擇.



歡迎大家去我新居行一轉.

---

• 留言者: 蕃茄麵
• Email: waiagnes@yahoo.com.hk
• 網址:
• 日期: 2013-09-01 19:55:15

菲 ~~ 入唔到去妳新地址
[版主回覆09/01/2013 20:33:09]GOOD~~
[蕃茄麵回覆09/01/2013 20:31:12]yes ~ ok
[版主回覆09/01/2013 20:24:47]你 COPY時有機會連前頭的冒號一齊要埋,所以入唔到,依家你再試一次COPY 個網址.

http://eva12478.blogspot.hk/

---

• 留言者: Allium
• Email: @yahoo.com
• 網址:
• 日期: 2013-09-01 18:59:01

大陸IP打唔開新地址⋯唔識爬牆。難道It's time to say goodbye? ......
[版主回覆09/01/2013 21:47:37]新BLOG流量表顯示今日有三十幾個內地網友曾經瀏覽過,咁應該唔識爬牆,都可以入得到新網址,或者你再試下~
[版主回覆09/01/2013 20:25:37]等我諗諗~~

---

• 留言者: ADL
• Email: allayna307@yahoo.com.hk
• 網址:
• 日期: 2013-09-01 18:03:58

Follow左你啦! 我都係轉去blogspot: allaynalee307.blogspot.hk
[版主回覆09/01/2013 20:26:03]睇到你~

---

• 留言者: 小肶姐姐
• Email: bird1888@yahoo.com.hk
• 網址:
• 日期: 2013-09-01 16:51:24

菲菲,妳好呀!入唔到去妳的新地址啊!
[版主回覆09/01/2013 20:27:36]我用其它電腦入得到無問題,或者你再試多次.

新開始

各位網友,為免大家多年相識相知的感情積累失散,特搵過新的網絡空間定居,歡迎大家繼續得閒來探望.

足月

因為係剖腹嘅關係，過程簡單又愉快，情緒因而無乜太大波動，可能亦因為情緒一路保持開心狀態，身體嘅恢復情況也比想像中的快。

生完「大哥丞」後嘅第二日已經可以行得走得兼且面色紅潤，中氣實足，第五日醫院嘅姑娘話我知傷口恢復得好好，聽完後即刻衝涼洗頭，一個星期唔到已經可以落街食飯買嘢，全身充滿力量，全無傳聞中產婦應有的所有體弱氣虛之感，連懷孕之前會有的種種小問題，產後身體機能亦好似得到修復，身體狀態更勝從前。

人生第一亦係最後一次嘅座月經歷，簡單，愉快，輕鬆，全無遵循傳統做法，所有座月婆唔應該嘅都做齊哂，當然每個人嘅身體狀態各有不同，我自細就自詡為「打不低的鐵金剛」，因此對身體嘅狀態有把握之下，先可以置傳統而不顧，不建議其它JM在無把握無親人支持嘅情況下自己亂咁嚟，必竟華人社會，對於傳統說法，還是有所保留~~~


因為我係一個窮媽，睇住阿仔狂啜成個鐘都無乜貨仔餵得飽佢嘅肚仔，大而無用的雙乳最終只能淪為餐前小點或者安撫奶嘴嘅作用，而後經歷一系列巧合之下嘅不愉快事件，逼於長輩的壓力，滿月之後，轉為全奶粉的粉媽，實在心有所憾，卻無何奈何。

無論如何，小朋友嘅健康成長先係最緊要，如今嘅奶份配方亦相當接近人奶的成效，未必見得全奶粉嘅小朋友健康狀況就會差得去邊，屋企多佐一個人仔，生活節奏完全變化，為佐配合依種變化帶來情緒上嘅緊張狀態，我都唯有不斷自我催眠，放鬆啲，開心啲~~~

好彩身邊有一個極度負責同埋全功能型嘅好老公，一收工返嚟，就幫我手湊下BB，餵奶換片衝涼乜都搞得掂「強哥，你是最強滴！！！」

某程度上強哥亦都好好咁緩解佐我心理上嘅壓力，因為知道面對所有湊仔上嘅難題 ，我唔係一個人去面對，有一個人始終係我身邊一齊，果種幫助與安慰，真係無敵。

BB今日已經足有四十日，托賴，都叫健健康康，除佐肚餓或是空虛寂寞冷，基本上不吵不鬧，係易湊型嘅小朋友，當然，未知遲下如何。 

發幾張近照。

可能係因為面仔細細嘅緣故，對眼顯得特別大。

比起初初，面仔肥潤好多~~

報喜

是一個立定心思來世上享受的孩子。

不哭也不鬧，多數時候，靜靜地睜著大眼，若有所思。

 


只是餓極了，輕輕哼上數聲以示提醒，吃飽喝足了，微微笑一笑，繼續他幼小世界的滿足與快樂。


 

不過數日小小人兒，表情已如許豐富~~




除卻與母親相似的眼與嘴，其餘一切的一切，都似縮小版的小小強哥兒。

這就是我與強哥的兒子「陳信丞」

吾家有喜之低調生B

據說七年之後的戀人，因著化學反應，感情會因而生分，特設名詞---七年之癢。

或屬異數，與強哥七年之後，彼此之間，仍相愛如昔，更勝從前。

感激強哥七年來對我的愛護有加，失卻自我般地寵我愛我，在愛到極致之後，實在無以為報，最徹底的形勢，是將彼此的DNA，以自然方式融為一體，將彼此最愛的基因，傳承繼續。

就係今明兩日的時間罷，一個小小人兒就將來到世上，身為其父其母，所求不過「平安與健康」！

一直沒有和陪伴著我成長數年的各位網友公佈這件喜訊，是想平靜地淡化這十月的過程，並不因身體的變化而導致生活有任何過多的不同，平常心面對發生著的一切，靜靜地，與強哥享受這充滿期盼與欣喜的整個孕程

來到現在這個時候，隨時都有生產可能，該準備的一早準備妥當，所以緊接著的日子，若是突然失去消息，請各位朋友祝福與等待，待我身子恢復了，一定上來，和大家報個平安~~~

並且，今日係我的生日，希望能收到，今生最特別的生日禮物~~


12/12/2012

奸完一次又一次

爭完床位，下一步爭車位。

三月就要正式開放自駕游，到時各位市民過馬路唔好再盡信交通燈的作用，睇燈之餘，更要睇好有無衝燈車輛，因為背後祖國媽媽一聲令下，香港政府大人忙不迭地將港人中門大開，任人長驅直入，插完一次又一次，插完之後隨手掉低幾張嫖資之後再以救世姿態大唱：

「若不是有老子來插，你們死定了」


身為小市民，肉已在跕板上，反抗怕也是無果，既然「強行進入」已成事實，惟有努力適應，閉上雙眼，靜靜忍受，時不時地再配合輕聲呻幾下以增情趣，或者，日子會好過些。

慘吶~~~

生日

今日係我「身份證」上的生日，哈哈，當然唔係真正的生日，只是父親當年為某些原因，而幫我改嘅生日。

生日當天，持本港身份證係可以免費獲得一張「海洋公園」的門票的，平時二百幾一張的門票，唔去白唔去，所以今日一早起床，咕嚕一聲，換件衫，拎埋一大支水，，就沖去公園行行下。

 

有個好消息，由2011年9月1日至2012年8月31日，凡生日當天的本港市民，可持身份證免費獲得入場券一張，並可為同行的一位親人以半價購買一張入場券，凡65歲以上的本港市民，可隨時免費入場，壞消息係，由2011年9月1日起，海洋公園的門票，由港幣250蚊加價至280蚊。

 

我決定佐，下次強哥生日的當天，帶同我媽媽，我奶奶，我老爺一起進園遊玩，強哥生日當日免費，我可以半價進場，幾位長輩全數超過65歲，都可以免費進場，所以，強哥生日當天我們一行五人，只需要支付半張票價（即港幣140蚊），就能全數進場，哈哈哈，我真係計得好盡~~~
 

以前同強哥去海洋公園，都只會座地鐵到金鐘，然後再轉海洋公園的專線大巴直達公園，轉來轉去，耗時耗力不講，僅車費，兩個人來回一轉都要將近一百蚊，好貴㗎。

 

所以我另外發掘佐一條對自己來講，省時省力總要好省錢的去公園的路線，俾同樣適合的網友們一個參考。

 

由屋企步行十分鐘左右，行到太子的聯合廣場，就在聯合廣場的正門樓下，有個巴士站，喺巴士站搭乘「171號」大巴，依班大巴，所有公眾假期都會直接開到海洋公園的正門口，不過平日星期一至星期五，就只能在中途站落車，然後步行一小段路自己行到公園的正門口。




座到「香港仔隧道收費廣場」站落車，車資一程十一蚊。

落佐車，一路上都可以睇到指示路牌，沿著指示牌，步行大約五分鐘，就行到海洋公園的正門口。

 

由屋企出發，到達公園，全程都僅用半個小時左右（唔塞車的情況下），車資不過十一蚊，又平又慳時，所以依條路線，下次我都會推薦俾其它朋友。

到佐公園正門口，到售票處出示身份證，證明係生日當天，就可以換到一張免費入場的門票，以及一張場內消費的優惠券。

因為係免費入園，所以遊玩的心態好隨興，唔洗驚話玩少睇少會蝕底嘛~~~

人多的場合我唔去，排隊太長的場合我都唔去。

所以先去探望佐團團同圓圓，依舊臟兮兮的，懶洋洋的。

座纜車過另一邊諗住睇海獅表演，不過人太多，都係算罷喇，轉佐圈見天太熱，無乜心機繼續玩其它機動遊戲，於是就座小火車返到入口處。

趁人少少，座佐汽球~~

睇佐下街頭表演~~

走去海洋館轉佐圈。

 

可惜，睇到一些非常不愉快的現象，排緊隊當中打尖的現象永遠係內地同胞最積極，明明已經在入館之前多次提醒影像嘅時候不能開閃光燈，但係此起彼伏的閃光燈永遠係內地同胞，在館內睇到一些年紀大的老人家，隨地就咁肆無忌憚地清佐下喉，然後「咳吐」一聲，再若無其事地就行開去，館內光線較暗，我睇到家長就帶著小朋友在角落無工作人員的情況下，解開褲頭就隨地尿起來。

 

所以無問點解中國人係出邊好似總係得不到別人的尊重，大部份時候，尊重係好來自彼此的態度。

添丁

哈哈哈，今日係全家人都好開心嘅一個日子，四弟嘅囡囡今日出世了，有六磅重㗎，BB好健康，個樣總未睇得好出似邊個，最開心嘅人莫過於老爺同奶奶啦~~~

哈哈哈，開心過中六合彩~~




BB眼仔未開啊，真係好細好細，我因為感冒唔敢抱佢，不過可以想像得到，一定係好柔軟好柔軟。

見到咁樣一個人仔係面前出現，我個心都軟哂，遲下我又要去幫手湊B，先實習下，拎下經驗，第時自己嘅B湊起上嚟，起碼都叫有些少經驗。

因為B囡嘅媽咪係剖腹產，所以暫時都只能食啲流質嘅食物，咁樣唔會對腸胃造成太重嘅負擔，奶奶話想聽日炖啲花膠湯過嚟，我就叫奶奶唔好咁快炖依類咁補嘅嘢俾佢食，暫時清淡啲嘅流質食物先係對媽咪最好嘅保護，依個時候嘅媽咪可補充「豬肉、雞、蛋」依類比較性平嘅蛋白質恢復體力，同埋做手術嘅媽咪一定要記得，唔好咁快食魚湯，因為魚肉，特別係山班、生魚一類嘅魚湯，飲佐之後會令到開刀嘅傷口快速生長新肌，容易造成一條肉條，咁就好醜樣啦，所以記得啦，開刀嘅媽咪，唔好咁快飲魚湯啊。

嚟緊如果有時間，同大家分享多一啲座月時嘅湯水資料，同埋產婦自己本身要注意嘅事情，咁樣就算將來自己請陪月，都可以知道個陪月稱唔稱職嘛。

買鑊

關於鑊，相信係每一個初入廚者都非常之關心及頭痛嘅問題。

就自己由初初煮飯直至依家換過嘅鑊及少許心得做一個集合講述。

因為一開始學炒餸，我就係用電磁爐，所以關於鑊，最主要嘅功能係要可以上得到電磁爐。

因為都知道易潔鑊如果使用不當，會對身體產生好大影響，所以一開始買廚具，已經心中有數，主力炒餸嘅鑊，一定係無涂層，並且可以上得到電磁爐嘅鑊。

 

第一鑊：中式生鐵鑊

先講返我買嘅第一款「天X野」生鐵鑊，同一牌子同一款號我用佐二個。

詳細請睇返依個網址「請點擊依度」

 

第二鑊：中式生鐵鑊

唔係貴就一定係好，所以果個牌子的生鐵鑊壞佐之後，我就走去街市買佐第二個可以上得到電磁爐嘅生鐵鑊，不過因為製造工藝的唔同，第二個生鐵鑊，係好易生銹，煮完餸之後要即刻抹乾身，如果唔係第二次炒餸，鑊一抹全部都係銹跡，用得好麻煩，詳細內容可以睇返依個網址「請點擊依度」

 

第三鑊：不銹鋼平底鑊

係第二鑊同第一鑊之間，我其實總買過一個不銹鋼鑊，原本只係打算買多個傍身以備不時之需嘅，誰知第二個生鐵鑊成日生銹，搞到我無心機用，所以後嚟好長一段時間，我都係主力用依個不銹鋼鑊蒸飯炒餸蒸嘢，乜都搞得掂。

其實依個不銹鋼鑊炒餸都OK架，佢本身幾厚底，厚底嘅鑊有一個好處，加熱之後，佢唔會太快冷卻，所以炒餸好夠熱力，炒菜只要一路開大火炒，佢就可以鎖住菜嘅水份，炒好嘅菜即有鑊氣，又唔會水汪汪，而且不銹鋼唔會生銹，又夠堅硬，我極粗用成年之後都完好無缺。

若果唔係我後期換佐一個電陶爐，無佐用電磁爐，依個不銹鋼鑊因為太厚底，所以加熱嘅速度太慢。我都一定唔會換佐佢，會繼續用依個不銹鋼鑊去做主力炒餸用。

詳細內容可以睇返依個網址「請點擊依度」

 

第四鑊：陽極鑊

係為佐配合我新買嘅電陶爐而置的新鑊，一路用緊到依家，佢較薄身，對於明火或者電陶爐嚟講，傳熱較快，炒餸會較容易，佢兼顧佐生鐵鑊炒餸有鑊氣，炒出嚟嘅餸或者煎出嚟嘅蛋都會更香之餘，並且完全唔會生銹亦唔會變形，我點粗用都無問題，用佐將近一年時間，都覺得非常滿意，我諗如果依個鑊再壞佐，我依然會買返同一材質嘅鑊返嚟用。

詳細內容可以睇返依個網址「請點擊依度」

 

屋企常備有的鑊，除佐上邊提及嘅幾款無涂層嘅鑊，其實一路會保持有一個易潔鑊，用嚟煎魚，煎生煎包等依類較難控制嘅食物的製作，就自己個人心得體會，其實無論用任何鑊，最緊要嘅係使用者識唔識得控制佢哋，千其咪被個鑊，掉返轉頭，去控制佐你使用的方向，鑊之嘛，係為人類烹煮而產生㗎，選擇自己適合的鑊，慢慢去摸清佢嘅脾性，咁就用咩鑊，都無有怕啦`~~

總之一句講哂：「無不是之鑊，只有不識用之人」

準備開工

同阿媽講，決定係六月一日開始我嘅開工大計。

阿媽第一個反應俾我係「落雨唔返工，太陽太勁唔返，心情太差唔返」

哈哈哈，知我者莫若母~~

因為太耐無正式返過工，所以自己規定自己嘅返工時間，每個星期返五日工，每日一定要返足五小時，跟銀行假期之餘總要照顧下自己嘅平時心情而隨機偶爾偷下懶嘅機會

初時有佐搵份工嘅諗法，即刻上佐去勞工處網站睇過，睇佐幾日，朝九晚五嘅寫字樓工作，無一份係我心目中想要嘅職場生活，人一世物一世，做人要開心，工作一樣都好需要得到情緒的支持先可以做得開心，我唔怕辛苦，我最怕係辛苦之餘全無投入感的一份工作，所以同強哥商量過自己嘅一個概念，然後在強哥「人力、物力」的大力支持之下，依家終於一切就緒，定佐六月一日正始開始。

唔會再做零售生意，畢業之後做過幾年寫字樓工，實在悶到想嘔，承父親厚愛遺有少許資金俾我，計過度過自己反正輸得起，於是搵佐間舖嚟玩，開舖做零售，僥倖都叫有賺離場，不過對於箇中玩法實在再無興趣參予，對於毫無技術性支持的零售方式，實在太容易被市場抄襲複製，極易被人在周邊搶去市場份額，做嚟做去，得過做字，都不過係賺份租金，為舖頭業主打份工，都唔見有幾多錢凈抵，開支同收入基本上只可以話係打個平手，根本賺得係雞水咁多，最後好彩有人見我間舖生意好，開佐幾年有班熟客仔，就以一個極滿意的價錢同我接佐去做，我先叫做有賺離場，完全叫僥倖，經此一役，對於設舖做銷售嘅概念，再無興趣。

依次再戰江湖，有清晰的目標客戶群，有自己專長的技術支持，務求在最高質素之下以最低成本追求到最大利潤的目的，暫時成個工作室嚟講，我一人兼任「茶水、秘書、財務、行銷、設計、執行、送貨」等多項職務，希望再度激發體內打不敗的女金剛潛能，無論如何，最緊要係玩得開心，賺得過癮~~

家已成，有業真係要趁後生來立，希望自己能夠堅持，再堅持！！

祝我好運~~

阿媽試用電陶爐

阿媽一直對我用緊嘅電陶爐好有興趣，所以趕係母親節嘅時候送佐部俾佢試用。

同我用緊嘅果款係同一個牌子，不過款式就新過我用嘅果款，就咁睇網頁上嘅介紹，選佐依款有一個制去扭較溫度同時間嘅功能，使用較為簡單，希望阿媽會用得慣，送貨到阿媽度已過成個月，我都無過去睇過，尋日強哥要開OT，我就自己走去阿媽度教下阿媽點用部機。

一睇到部機，咦，真係唔錯喎，外觀上睇幾靚女~~

我部就係直身嘅，阿媽依部就比較上叫橫身啲~~

佢就一樣係2000W火數（火數越大加熱速度就越快），而且最搞嘅係佢總有一個制可以隨時睇到用佐幾多度電，又真係幾得意嘅~~

教阿媽最簡單嘅開關制，聽到佢依部嘅風扇聲明顯細過我部，睇嚟都有改良過~~

而且我發覺佢個發熱盤密集度高過我部，咁個火力一定更加集中，果不其然~~

阿媽就即刻試用佢最心愛嘅韓國陶瓷煲嚟試用下。

就咁睇可能睇唔出阿媽個煲有幾大，但事實上，依個煲，好勁大㗎~~

有幾大？揭蓋睇下，同時可以浸得落兩隻雞㗎~~

阿媽最鐘意佢夠深，浸雞就最一流~~

咁大個煲，我開最大2000火，凍水開始煲，嘩，又真係掂過我部舊款喎，我睇時間，唔洗一分鐘，佢已經開始冒煙，超勁啊，真係唔錯唔錯。。。。

依兩隻雞有毛嘅時候加埋都有成7斤幾重㗎，都叫大隻啦係嘛，阿媽浸雞有自己嘅一套，佢通常擺幾片薑落水，凍水落雞，水滾後再煮多三分鐘然後熄火由得佢浸二十分鐘再撈起，趁熱抹鹽，攤凍後斬雞，咁就浸到又滑又嫩嘅雞啦~~

咁因應部機熄火後繼續會有熱力嘅效能，阿媽就索性水滾後煮多一分鐘，即刻熄火，用餘溫再煲多幾下。

阿媽最欣賞佢嘅定時功能，比起明火更適合老人家使用，煲湯只要設定好時間，就唔洗惊话行開唔记得时间，依家煲夠時間會自動熄火，所以阿媽已打算好以後煲湯就用依款爐專用，暫時其它的功能還有待研究~

浸得靚一靚㗎~~

阿媽幾開心啊，佢話以後早餐愛嚟焗麵包一定好方便，哈哈，以後阿媽又可以多樣嘢俾佢玩啦~~

總括嚟睇，依款真係比我果個舊款掂好多，可惜我部總好健壯，如果唔係，我又要換部嚟玩~~

阿媽浸佐兩隻雞，本嚟諗住我係度食一隻，另一隻俾我帶返屋企同阿強慢慢食嘅（世上最好嘅當然係自己阿媽啦），咁我講得幾講，嗲阿媽幾下，話多人食飯先開心嘛，（實在唔想阿媽周末總要自己一個人係屋企，我返佐屋企嘅話，又凈返阿媽自己一個人冷冷清清係屋企，諗起都覺得好似好唔安樂），終於都叫得到阿媽索性拎埋兩隻雞同我返屋企等埋阿強返嚟一齊食，多人陪，老人家都會開心好多~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

首先聲明一下，電陶爐我自己真金白銀買返嚟嘅，我同廠家絕對無任何利益上嘅關係，我同意廠家免費使用我嘅圖片做介紹之用，但只做為個人使用後的真實心得為立場。

我向各位網友推薦，純粹係因為自己使用過後覺得非常抵玩，先同大家做出推薦。各位網友購買前請先衡量自己嘅需要再做決定。

關於圓底炒餸鑊可唔可以用係電陶爐之上？我覺得都係一樣可以嘅。

跟爐送嘅果個韓式烤盤，可以派上用場。

睇下，個烤盤揭開之後，中間有一個圓洞。

因為我無圓底嘅鑊，所以就用佐一個圓底嘅煲做示範。

可以將圓底嘅鑊，就咁擺上去，利用中間嘅窿去固定個鑊唔會搖晃，因為電陶爐唔同電磁爐，電磁爐一定要直接接觸到鑊底先會產生熱能，電陶爐直接係爐面就傳遞熱能俾個鑊，所以只需要將鑊儘量接近個爐面，就一樣可以炒到餸。

要解決嘅問題，只係如何令到圓底鑊固定係爐面，所以我就諗住利用個架去固定個圓底嘅鑊解決企唔到係爐面嘅問題。

如果一般較大嘅炒菜鑊，可以將個韓式烤盤掉轉過嚟，一樣有一個窿。

假設個圓底鑊，都一樣可以咁樣擺上個窿度，咁就好穩陣，一樣好似煤氣爐咁樣，開火炒餸啦~~

係咪絕無問題咧~~~

不過依個係理論上嘅推測，實際熱能會否因為多佐一個架而減少，因為我無實際測試過，所以就不得而知啦。

糖水、腸仔包

人無遠慮，就必有近憂。

絕對的真理，所以婚後就同強哥洗腦，一定要識得積谷防饑，活在當下好重要，但長遠的考慮，同樣必不可少。

特別在香港這樣一個完全沒有一個合理的全民退休保障計劃的都會里，如何更好的計劃與安排晚年生活，顯得猶其重要。

香港目前的強積金制度，其實是否真的足夠退休人士保障晚年的生活直至百年歸老？無固定的工作同收入，無購買強積金的果部份市民，又如何去保障自己退休後的生活？單靠區區一千蚊的生果金，可否讓香港的長者，有尊嚴的安享他們的晚年嗎？

養兒防老，係中國最傳統的育兒思想，但時至今日，好多後生一輩，連自己的生活都成問題的時候，會否總有餘力，去提供一個更好質素的生活條件俾長輩？所以養兒防老的思想，一早不適用於現代的香港社會。

香港係有好優秀的社會保障制度，可以令到市民不致凍死街頭，亦不會餓死家中，但做為長者，是否只需要維持到一個最基本的「溫飽」就已經叫做對社會有佐「交待」？

我好少好少聽到有關於為長者爭取更好福利的聲音，因為在香港，敢發言，懂出聲，識造勢的，全部都係精壯的社會中青年一代，政府唔想聽到人吵，唔想睇到人搞事，為佐安撫一眾政府眼中的「惡民」，政府大部份的措施，都會針對最多人吵的方向去解決，只要可以維持到表面的歌舞昇平，就係當時執政者的最大豐功偉業。

而時下年青一代，除佐受控於一班為增加個人政治資本的政客，只會為時下最熱門的話題去「不知所已然」地爭取，實在可以真正的為市民做返啲嘢而發聲的主題，真的好「罕有」。

講返長者，我唔知大部份年青人有無留意過，香港好多長者的表情，可以用兩個字去形容-----「呆滯」

世上最悲慘的事情不是死人冧樓，而係當人，面對著彷如死人冧樓一般的大事，可以係「一片空白」的表情與情緒，果種徹底的對社會的漠然，才真正叫人感覺無奈與難受。

我見過好多街頭依然要努力拾紙皮，做清潔的長者，佢哋好似工蟻一樣，由年青一直忙忙碌碌地辛勤工作直至耄耋，在他們的臉上，我完全看不到任何的表情，似乎身邊的車來車往，熙熙攘攘，同佢哋係完全無有關係，佢地只能夠卑微地安靜地小心亦亦地活在自已的世界里頭，稍好一些的，在公園中，圖書館里，都隨處可見到，這樣一班「面無表情」的長者。

會否他們的現在，就是我們的將來？

相較內地，已經進行佐二十幾年的養老保險制度，由年青時開始向有政府背景的保險公司購買醫療及養老保險，達到退休年期的時候，就可以獲得保險公司發放的與購買年限，個人年紀，社會生活水平等因素衡量之下的「保險金」做為生活所需，直到百年歸老。就算無固定工作的個人，都可以個人名義同保險公司購買，咁達到退休年紀，一樣可以每月獲得退休金，而且依個金額並不是長期固定，而係會按照通脹，做出相應的調整，足以保證退休後的生活，可以維持在一個水準的質素。

當晚年的生活獲得一個長期穩定的保障之時，長者的生活同心理，都相應地更為樂觀，我見內地的長者（近依十幾年所見），退休後的生活，旅遊，交友，聚會，每日的晨運，夜晚飯後的休閒生活，都可以令長者每日的生活更為精彩與多姿。

所以長者對於生活的期盼，不只在於年青之時，年老之後，更為精彩。

相較之下，香港的長者，天一黑就只會縮在家中，靠免費電視度日的狀態，實在叫人傷感。

我想擁有一個更好更有尊嚴的晚年生活，一定要趁依家身強力壯腦筋清醒之時，識得儲備，懂得投資，為將來好好地打算，做好一個長遠的計劃，持之以恆地去執行！

~~~~~~~~~~~~~~~~~~~~~~~~~~~~~~~~~~~~~~~~~~~~~~

為佐生活，周日的強哥依然要打拼開OT。

在家煲定一個糖水，等佢收工之後潤一潤。

雜七雜八的豆類加埋一大煲。

用佐「綠豆、紅豆、蓮子、茨實、洋意米、少少糯米」

靚陳皮一塊。

全部撈埋，加清水，用高壓煲，壓15分鐘，開佐蓋，猛火滾多5分鐘，全部材料都融佐入水度~~~

綠豆紅豆全部變佐沙~~~

落片糖同砂糖各半，去調甜味。

其實就咁飲，就已經好好味，可以食到好香濃的陳皮味，不過我比較喜歡落埋椰漿。

加佐椰漿的糖水，味道更為豐富。

晚上返到屋企的強哥，為佢奉上大大一碗的椰香糖水，甜到佢入心入肺，再配以嬌妻的甜言蜜語，搞到佢暈頭轉向之下，繼續心甘情願地為頭家，做牛做馬~~~

多謝你，老公~~

為免老公一個人去面對生活的艱難，更為讓我們更早達到計劃中的目標，嚟緊的日子，我會結束依數年的休息生活，去俾心機搵錢。

所以我的BLOG，會以龜速更新，希望各位網友，多多理解~~~

下晝見悶悶哋，走去買佐包腸仔，又整腸仔包做早餐。

依次轉佐方法去卷腸仔，改以一塊舌形麵皮去卷。

老方法，搓好麵整好形再發酵。

個個都發得好肥肥白白~~

拉近啲睇，依次個麵皮，因為用麵杖搓過的關係，蒸好後，滑一滑，白一白~~

又靚又正~~~

而且撕開後，可以層層分明，好鬆軟㗎個麵皮`~