內地官場上嘅醜惡不言而喻，掩起雙耳，憑空即可捏造出大堆利已損人嘅藉口將所有過失推脫得一干二凈，以達欺上瞞下嘅目的，自能官運亨通，憑嘅係幾千年嘅官場經驗，為官之道自有一套內部認同嘅無賴方式，香港人同內地失聯嘅數百年時間，需要即時惡補內地官場嘅「潛規則」方能係其中如魚得水。否則，類似近日香港記者嘅新疆事件，只會陸繼有嚟。
是從惡如流，還是堅持原則？試目以待，睇下事件最終會係「不了了之」定係「討還公道」，自能知曉本界政府嘅治港態度。
---------華---------麗-----------分-----------割----------
也不盡是醜惡，國內嘅美食多籮籮，各地均有本地特色美食任君選擇，其中最愛嘅係東北嘅一款名菜「鍋包肉」
初時聽唔清楚，一直以為係「鍋巴肉」，以為係飯蕉所制，點知一試之下，自此鐘意。
其實同咕嚕肉有大同小異之處，一樣都係甜甜酸酸嘅味道，一樣都係將肉炸至香酥，係我同強哥嘅至愛之選。
雖然後嚟搞清楚唔係「鍋巴肉」而係「鍋包肉」，不過都依然唔係好明點解會係「鍋包住肉」嘅名號。
以前想食唯有走去深圳嘅東北餐廳先至有得食，尋日突發奇想，又試搞搞新意思，自己試住煮一煮睇下成效如何。
睇下成品，外形上，老公一睇到已經嘩一聲「勁似」
做法：
係肉檔買一舊豬扒位置嘅肉，自己返嚟，雪一雪至少少企身，趁硬切薄片，大片少少，然後用「鹽，糖，酒，生粉，水」醃一醃味。
一定要切薄片，因為太厚好難炸熟。
然後準備炸粉，我用嘅係天婦羅嘅炸粉。
將醃好味嘅肉片，先拍少少生粉，然後浸到開好佐嘅炸粉漿度，再落鑊，細火炸熟肉片。
我係晏畫先提早炸定先，炸嘢要香脆，一定需要翻炸一次。
我先炸定佐，夜晚食之前，再開中大火炸幾秒鐘，令佢變金黃色。
準備調味料：
1，白醋，糖，少少生抽，生粉較成一個芡汁
2，芫莤少少
3，甘筍，薑，蔥白切絲
做法：1，先將薑蔥甘筍絲熱鑊落油之後炒出香味
2，然後倒入芡汁
3，跟手倒入已翻炸佐第二次嘅酥肉，略炒幾下，等芡汁均勻地佈滿係肉面上，最後倒入芫莤，裝得碟~~
唔好炒得太耐，因為炸粉遇水會變腍，只需要稍稍令個芡汁變結，痴係肉上就得啦。
趁熱，開餐~~
另外滾多一個紫菜瘦肉湯，落少少麻油，會香好多㗎~~
一餸一湯~~
睇下，因為係食之前先至翻炸，所以食落外皮脆卜卜㗎，入邊嘅肉總好有肉汁，唔會干身，而個甜酸芡汁較得剛剛好，老公一食，好耐都唔信真係我自己整「點可能整到同街果D一模一樣啊」
「一百分啊老婆！」
哈，以後想食，邊總使山長水遠走去深圳搵食啊~~
沒有留言:
張貼留言