超級快手甜甜品---椰汁紅豆糕（食譜）

頭先係網友「師奶仔」果度睇到佢整既椰汁紅豆糕。

睇到相已經流曬口水，剛好依味甜品我都識得整，貪佢夠簡單，材料又唔複雜，話整就即刻整。。。。

做法：

首先要準備紅豆。如果有時間，可以先用水浸紅豆半個或以上等佢煮既時候容易腍D。

我就直接用快速煲，煲佐十五分鐘度，先煲腍佐紅豆。

 

 

然后就可以準備其它材料：

材料真係超少，我用佐「滾水200ml、牛奶100ml、椰漿100ml、粟粉50g、紅豆25g、砂糖三大湯匙」

材料就咁多多咋。。。。

 

 

做法就超級簡單，先用牛奶開佐粟粉，然后將其餘所有材料都撈埋一起，倒入煲度，用細火，一個方向攪拌。。。

 

二三分鐘度啦，個粉漿就開始凝固，已經可以聞到香味了。

咁就再攪多陣，趁熱，裝到容器等佢凝固成形。

 

鐘意食冰冰既就擺入雪櫃，食之前再將佢倒扣入碟到，切開，食得啦。。。。

 

整咁樣一款「椰汁紅豆糕」，真係話咁易啦。。。。

 

 

今晚飯後甜品就佢啦。。。。。