豬牛羊鴨雞魚，我凈係識得食依幾味正常既肉類。
太驚人既肉類一般都唔多敢去嘗試。
依日又輪到食雞雞。
買佐隻雞。至從早輪學識斬雞之后，就無乜點買過雞亦黎食羅，因為雪藏雞亦，食起上黎真係無乜雞味，都係走地雞較好食。。。
一隻雞一餐食唔曬，斬開之后，將胸啊，頸啊依D部位留起，個肉質無咁靚，愛黎燜煮最適合。
而且隔佐一夜再翻熱，總入味，更好食。所以提早一日，整定依味香菇雞煲。
做法以前寫過，就唔重複。
靚咧。。。。
今日重點推薦既係依味超簡單鹽焗雞做法。
以前都有寫過，不過好似BLOG度無記載，依次整又拍埋像記載落黎。
作法：鹽焗雞粉半包（因為雞凈係用佐半邊）
整依味餸，我用佐兩隻亦，兩個比，兩個雞腳，少少胸肉，最靚既部位黎整。
斬好件既雞，落半包鹽焗雞粉，少少老抽上色，少少糖，少少少少油，醃兩個鐘或以上令佢更入味。
然後，搵個飯煲，抄佐幾百年前阿娘買俾我果個古董飯煲，我保養得好好架，無花無穿，總使得。
一個飯煲焗雞，另一個飯煲煮飯。。。
個做法真係超簡單，飯煲底落薑片，蔥佔底。
然后只需要將醃好入味既雞件,掉入電飯煲度.
跟住插電,開煮飯制,開始當煮飯咁,由得電飯煲自己做野,自己要做乜就可以去做乜啦....
係啊.全過程完全乜都唔需要再落,水啊,油啊,乜都無需要,因為雞皮自己本身已經有好豐富既油脂,雞肉又含有充足水份,利用電飯煲細細既恆定既溫度,去慢慢焗熟佢.....
煮的過程,已經可以聞到香香既味道飄出黎,我專登將個飯煲擺係抽氣扇底下,慎防D煙會帶有油煙.....
無幾耐,個飯制會跳到'保暖"果度,如果驚D雞雞未夠熟,可以開開個飯煲蓋,透透氣,凍一凍個電飯煲佢,然后又繼續開一次"煮飯製",第二次跳製又轉到保溫果度既時候,基本上個雞雞已經完全煮熟煮好啦....
睇下,D雞焗得幾靚....出佐好多好多油添....
啊老公食既時候,好開心咁話,好香好香啊,又好似焗過咁,唔會濕漉漉,好干爽,好有咬口....
係未好簡單咧..
到此為止,一味簡單又好味既鹽焗雞,就完成了.....
如果屋企有兩個電飯煲,就可以一邊煮飯,一邊煮依味鹽焗雞啦....
飯熟,佢亦都整好啦.....
然后碌多碟生菜,一個晚餐,搞掂.....
哈哈哈,其實碟生菜我係用蒜頭炒架,不過我個大頭蝦轉世,炒好裝好碟之后先至發覺唔記得落鹽,又唔想再翻兜,咁就索性淋D蠔油上去算數....
其實我唔多建議大家成日食雪藏雞亦,因為多數都係由激素催大既雞雞,食得多,始終都無益....
如果唔識得斬雞,超市多數都會有一盒盒已經斬好既半邊雞雞,總係走地雞添架....
起碼我知道大多數"惠X'都會有咁既斬好件即走地雞.....都係二十幾三十蚊盒(半隻雞),食起上黎安全好多,.....
最緊要,係雞味都足D嘛.....
成只雞,都係雞亦最好味......
我靚靚既鹽焗雞亦飯......
聽日試下啦，真係好好味架。。。。
沒有留言:
張貼留言