依排有好嫩好嫩既蓮藕仔上市了。係旺角街市見到即刻買佐幾舊仔，一年當中，係依家依個時候既蓮藕最細粒，細細粒既蓮藕，好嫩好清爽，食起上黎完全唔會起渣，最適宜用來炒或者涼拌。
睇下，左邊係一個薯仔，右邊係蓮藕仔，係未好細粒咧。。。
切佐再用一個五蚊銀仔比對下，可以想像得到個蓮藕仔有幾細舊
蓮藕本身無乜好突出既味道，取既係佢爽脆既口感，所以另外切佐一條四川麻辣腸（係深圳買架，麻得黎，好鬼過癮）同幾條青椒，加埋炒佐一碟。
條麻辣腸好夠味，所以炒既時候，我凈係落佐少少鹽去調味，咁樣炒做一碟，又麻又辣又爽又脆，好過癮。。。。。
我超鐘意食豌豆發既豆苗，不過超市賣得好貴，所以好少買黎食，而且未必係日日新鮮，係撞到特別想食，又撞到超市係當日新鮮上架，先至會買返兩盒黎炒。
點炒先至好味咧，其實就算係用蒜蓉落鹽清炒，豆苗本身既清甜已經好足夠。不過依日好難得係街市既一間「洗衣舖」既門口既一個門邊角落位，發現佐細細一檔買豆製品既齋檔，俾我發現佐佢有依種一塊既，都係豆製品既野，我以前食過，食肆叫佢「千張」，間食肆係用雲腿高湯浸千張，我覺得好好味，所以依次一睇到有賣，即刻買佐份返黎。
先用熱水洗一洗去佢表面可能有既塵，然后切成幼絲。
再切埋少少蒜粒，咸肉，咁就可以同豆苗一起煮啦。
豆苗先用水快速灼一灼佢撈起，去佐佢既豆腥味，然后用油爆香蒜蓉同咸肉，然后倒入一隻有雲腿既味既高湯，倒入千張絲，浸一浸佢，最後倒入灼好既豆苗兜一兜佢，裝得碟。。。。
因為咸肉同高湯都有咸味，所以無俾鹽去調味，咁樣幾乎可以叫「浸」既方式整出黎既餸，真係非常非常的清甜與美味。。。。
今日煲既靚湯，係用佐屋企凈返既兩隻唔知擺佐幾耐既日本水晶梨。摸落有少少腍既感覺，唔食掉佐好曬，咁就索性買佐D材料，愛黎煲啖湯飲啦。
其餘搭配既材料有「雪耳一朵、骨頭一盒、南北杏半碗、生意米半碗、開始發芽甘筍兩條（擺得耐佐D）」
原來啖湯係可以咁甜架。。。。。
我既雪耳都係奧海城既一間藥材舖買架，因為次次煲完既湯，都會好似打佐芡咁，結結既感覺，D膠質全部融入湯度，比食燕窩更能加滋補皮膚。。。。。
南北杏又可以清肺凈心，食之有益。。。。。
依款湯水，好值得推薦。。。。。
樸素之中絕不簡單既一個晚餐。。。
-----------------------------------------------------------------
第二日，留佐少和豌豆苗出黎，加佐多D既千張同豆卜，又炒埋一碟。。。。
依然都係咁好味。。。。
豆卜縮佐高湯，好好味。。。。。
蒜蓉炒生菜一碟。。。。
隔夜湯一煲。。。。
又一餐。。。。
沒有留言:
張貼留言