下晏閒來無事，又唔想出街買聽日既早餐，咁就求其整個蛋糕仔俾老公做聽日早餐。
做法：
1，先將牛油一舊仔加熱融化。牛油份量隨意。
2，然后將低筋粉100g,砂糖60g,椰粉半碗仔,牛奶細半杯,蛋黃兩隻,倒入融佐既牛油度,撈勻.
蛋白另外打到發起.
3,然后將上個步驟的蛋液分開兩份,其中一份滴上一大滴仔斑蘭油.
攪勻,變成斑蘭蛋液.
睇下,三幾下就整好所需材料.
兩份蛋液,一份打發蛋白.
4,然后將蛋白分成兩份,分別加入蛋液度撈勻.
5,然後就可以倒入紙杯仔,上架蒸十分鐘,搞掂......
話咁快,半個鐘都唔使,就有一款可愛又好味既蛋糕仔食啦...
可能係我撈蛋白撈得唔係幾好,所以個蛋糕仔發得麻麻,不過濃濃既椰香同蛋香,加埋都叫鬆軟既口感,自覺依味蛋糕仔都OK架...
最緊要係自家制,唔怕有添加劑,食起上黎都安全健康好多....
細細一個蛋糕仔,口大之人,絕對可以一啖一個...
仔細睇下,其實都好鬆化架....
捏起上黎,都好有彈性架....
頭先蒸好之后熱辣辣,即刻食佐兩件......
我平日都唔多鐘意食蛋糕既人,都覺得OK.....
聽早再蒸返或者焗返熱佢,一個簡單又好味既早餐就咁搞掂....
----------------------------------------------------------------
我依地以慳家著稱既師奶,當然唔會浪費蒸蛋糕既蒸汽,順手掉埋兩隻自家制既咸蛋落去,今日晚餐又加料....
我整咸蛋,係超級超級超級簡單....
買包鹽,平平地,係惠康買包一蚊雞果種就得,搵個大隻D既玻璃樽,倒攤凍佐既滾水入去,個鹽同水既比例「唔知」。。。。只要試佐味係好咸好咸。。。同埋睇到鹽水已經咸到融解唔曬D鹽咁就得啦。。。。。
跟住將新鮮雞蛋擺入鹽水度，蓋好蓋，就咁搞掂啦。。。
只需要等羅，大概半個月度，就可以食得啦。。。。
睇下，頭先切開佐個咸蛋，好油好香啊。。。。
不過好怪，兩隻蛋，一隻起佐油，另一隻中間好似未夠透咁。。。
試佐起曬油果隻，勁香啊。。。。。
無人規定咸蛋一定要用鴨蛋架。。。雞蛋都一樣。。。。。
再返反到切蛋現場，睇下，D咸蛋黃真係起曬油架，油多到滴佐出黎添。。。。。
平日係街買果D咸蛋，又話係用工業鹽醃又話係用乜灰製成，咁不如自己係屋企整幾隻擺住總好啦。。。。
咁自己整，絕對唔使怕話唔安全啦，而且，好平添。。。。
沒有留言:
張貼留言