通常買餸少既果日會搬幾條粟米返黎，慢慢剝成粒粒，裝入保鮮盒，平日擺係冰格度雪住佢，可以用好耐好耐好耐都唔會壞。
平日煮公仔面掉細半碗落去，無乜餸既時候加D腸仔蛋炒埋一碟，又或者好似依日咁，無乜湯水好飲，就掉幾粒落去，滾個粟米羹，味道自然比罐頭粟米，鮮甜美味千萬倍。。。。
粟米羹既煮法就太多太多羅，基本上由得你點搭都得。
其實屋企平日除佐粟米，甘筍都會係常備之物。
通常我會買比較幼既果D甘筍，較為清甜。
甘筍既作用勁多，平日無野做，想咬D乜野既時候，切幾條甘筍黎咬，又清甜又唔怕肥。。。。
炒餸無乜色水既時候，切一扎絲掉落去，成碟野唔同曬感覺。
煲湯更加唔使講，隨便切幾條落去，成啖湯都變得與眾不同。。
依日求其滾啖湯水飲下。
材料：粟米粒粒、甘筍粒粒、豬肉切絲（用豉油糖生粉胡椒粉醃一醃過佢）、雪耳一碗仔
睇下，凈係材料都大半煲羅。
粟米我用刀略略剁佐一剁，等佢煮既時候啖湯更清甜。
煲法就無乜難度，加水，加一粒雞精，所有材料掉入煲度，開火滾半個鐘左右，雞精已有咸味，豬肉亦都醃過有味道，如果覺得唔夠咸可以再落多少少鹽，不過我覺得依家啖湯已經非常非常清甜。。。。
熄火前，打個芡落去。。。。
雖然只是簡單地滾佐半個鐘，但係甘筍同粟米都係非常之清甜既食材，所以啖湯飲起上黎，都頂呱呱。。。
所需材料都非常之便宜，但係雪耳係清潤滋燥之物，咁樣一啖滾湯，唔會輸過老火湯架。。。。。
天時熱，咁樣既滾湯，係不錯既選擇。。。。
有兩條茄子買佐三四日，唔記得擺入雪櫃，依日本來打算整咸魚茄子煲架，咁一煲湯一煲餸，就搞掂啦。。
想得係幾好，點知要用既時候一睇，D茄子變成咁WO。。。
睇黎廚房真係幾潮濕。。。。擺佐幾日姐，就霉成咁。。。。
咁計劃又有變化，唯有睇下雪櫃有D乜可以煮了。。。
有一條紅腸，老公成日話鐘意食紅腸。。。
我由細到大都未食過紅腸架。。。。係真架。。。
阿爸阿媽都話依D野唔知係用乜腸衣整，入邊D肉係乜野肉黎，所以好多醃制品基本上我屋企係唔準食架。。。
咁依家自己煮飯，乜都試下咁羅。。。
完全唔知紅腸應該點食。
求其切佐片，煎熟佢，然后準備一個醬汁「老抽、黑糖、白蘭地」較成一個味醬。
煎得農佐少少。。。。
同埋原來紅腸都幾咸下。。。。
個味同口感我都係麻麻鐘意。。。。
唔知紅腸總可以點食咧？有無人話俾我知啊？
總有一截仔未煮架。。。。
之前一日食凈一條脆肉瓜，加D免治豬肉，炒埋一碟。。。
好彩今日買豬肉，凈係用佐一半滾湯，另一半可以剁碎煮依味餸。。。。都叫有D我鐘意食既餸送飯。。。。
師奶係咁架啦，點都可以變到兩餸一湯出黎。。。。
算係一個合格既師奶啦。。。。
沒有留言:
張貼留言