今日早上係菜市，就在我面前唔夠半米處，正好看到一個菜檔的阿姐，身高不到五尺，氣勢洶洶地指著一位正在往前走的中年婦人並且口中念念有詞。
果位被鬧的婦人定非等閑之輩，一個急轉身沖回來，二話不說，雙手就往菜檔阿姐雙肩一推才回話“你想點樣，我人走都走了，你總係度講個不停，算係點啊！”
好奇是人的本性，見狀我也停下腳步看看是怎麼回事。
聽到果位被罵婦人邊與菜檔阿姐推擠之間說道“我唔係唔想買你的菜，但係價格不合適我當然唔買啦”
聽到依度，我完全明白了。
看熱鬧是人的天性，才不過一陣，身邊就擠滿了看熱鬧的人，已經明白是什麼回事，就不必現湊熱鬧，轉身走開。
街市賣菜的多數係阿姐級的人物，並且多數脾氣不佳，如果你摸一摸佢的菜，問多二問，遇上脾氣唔好果D，真係會當面相斥，完全打破生意人“和氣生財”的傳統形象。
初初開始學去街市買餸的時候，都試過遇上勁躁阿姐，話說一次，我到餃子舖買河粉，因為有厚切同薄薄的沙河粉兩種，我怕阿姐俾錯厚切的，所以就再確定一次“係好薄的果隻河粉嗎”，點知個阿姐唔知是否更年期運行中，竟然答都唔答我，邊磅河粉邊係度用不客氣的態度喃喃“做你幾蚊雞生意，問東問西，賺到都不開胃”
我係生得斯文姐，唔表示我個性格一樣斯文啊，唔好辣到我啊，否則天王都無面俾。當下即刻沈下臉提高聲線“你有幾隻河粉，我當然要問清楚先要，如果做幾蚊幾蚊生意咁難為你，不如去學李加成起樓賣屋，一層樓賺幾十萬幾百萬啊笨，人客係度你都咁樣的態度，抵死你一世做依D幾蚊雞生意！”
果個阿姐當堂傻佐係度不知道回應，可能平日佢鬧得人多，俾人鬧返轉頭少瓜`~
所以我太清楚那些果D菜檔的阿姐係點樣既態度，先引致今早看到的果一幕了。不過始終唔應該郁手，自己的態度表明佐，就算了。。。。
----------------------------------------------------------------
前幾日同強哥去茶餐廳早餐，佢想吃鹹牛肉奄列，點知無貨。
都好，我都唔鐘意食出邊果D鹹牛治或奄列，佢地直接係罐頭加熱打開直接擺入蛋入邊之嘛。。。。腥猛猛，唔好食。。。。。
果日食唔成，咁今次就自己整俾佢食，有幾難。。。。
鹹牛肉一罐，洋蔥適量。
先將洋蔥落PAN用油炒香，落少少老抽同糖。老抽志在上色同增加豉香味，唔會咸架。
然后將咸牛肉倒入一起炒。我都係用佐一半咁多咋。。。。
然後兩隻蛋打散，落少少古月粉調味，再煎成一個蛋餅樣，將煎香既洋蔥咸牛係入蛋餅中間，然后對折，再稍稍煎一煎定型，搞掂。。。
幾分鐘搞掂既事。。。。。係開罐頭用佐我少少時間。。。。。
鬼叫我唔夠力。。。。
切開黎睇下。。。薄薄香香既蛋皮，厚厚香香既牛肉，一流。。。
凈係一個奄列老公實唔夠啦，整多碗面俾佢。。。。
聽到係咸牛奄列，未等我影完相，老公已經迫不及待地切開黎試下啦。。。。
咁我自己，就簡單地整佐一個咸牛治。。。。
罐咸牛都係用佐一半咋，聽日早餐可以再整返份咸牛治俾老公。。。。
沒有留言:
張貼留言