三個五分鐘煮腐竹糖水

因為晚餐會食一啲唔會飽肚嘅嘢，所以預先煲定一煲糖水，夜晚做宵夜。

煲腐竹糖水，依次用高壓煲去煲，勁快，上氣之後煲多五分鐘熄火，唔揭蓋焗多五分鐘，最後開住蓋大火再滾多五分鐘，三個五分鐘，一共十五分鐘，咁就煮好一煲又濃又香嘅腐竹白果意米糖水啦。

關於依款糖水，可以參考另外兩篇做法「白果」「慳煤氣煮糖水」

落佐白果同意米。

以前我唔識，都係用大粒嘅意米，煮好後又鞋又帶苦味，一啲都唔好食。

後嚟強哥先話俾我聽，我用錯意米，應該用下圖左邊果種細粒啲嘅洋意米，咁強哥見到，佢就買佐包返嚟，咁我下次就識得啦，煲糖水，就用洋意米，煲湯先用右邊果款大粒意米~~

原來細細個嘅強哥成日會幫奶奶去買意米煲依款糖水，所以佢當然就認得啦~~

真係要用洋意米先得㗎，煲好的糖水，又滑又綿，正~~

食時落埋兩個蛋，一大一細，大嘅強哥，細嘅我~~

煮蛋咁高難度嘅事，當然由煮蛋高手強哥嚟啦~~~

咦，有驚喜喎~~~

大大強哥蛋，原來打孖上~~~

三個蛋？兩個蛋~~~

強哥煮宵夜~~~

幾自信~~~

一定要水滾後先落蛋，輕輕撥一撥水等蛋唔會沉落底~~

稍稍凝固之後熄火，等蛋用餘溫煮熟~~

靚一靚的溏心蛋就咁整好啦~~

趁熱，食糖水啦~~