奶奶急CALL返去食飯

三點幾四點奶奶突然打嚟電話「原來今日係三佬生日喎，返嚟食飯啦」

哈哈哈，快樂不知時日過，奶奶都唔記得佐三佬原來當日生日，係無意睇日曆，先留意到，就急急腳走去街市斬料加餸，叫齊幾兄弟返嚟食飯。

除佐二佬照舊好忙唔返到，個個收佐工都趕佐返嚟。

臨時臨急，同大佬無買到禮物，唯有封個利是俾三佬，大個仔啦，快啲搵返個女仔錫自己啦~~

阿三叔：生日快樂~~~

~~~~~~~~~~~~~~~~~~~~~~~~~~~~~~~~~~~~

雖然時間好趕，不過奶奶都整到成檯餸出嚟，真係叻女~~

自家手打魚膠讓豆卜~~

加埋洋蔥勝瓜同煮，好清甜~~

蒸雞~~好滑嘅雞~~

蝦仁韭菜炒蛋，老爺炒嘅，油落得多佐啲，不過蛋無油，就唔香㗎啦~~

外賣燒腩~~

總有一碟外賣燒鴨漏影佐~~

老爺係漁排自己網到少少多春魚仔，細係細啲，不過勝在夠新鮮，奶奶用炸粉，將佢酥炸，強哥超鐘意，食佐好多~~~

老爺係漁排網到一條大墨魚，咁就自己打佐碟墨魚丸，又酥炸~~~

聽老爺講，網到啲蟹，養住係漁排，過一排等佢長大啲再帶返嚟食~~

無時間煲老火湯，咁就整佐粉腸瘦肉煲紫菜湯，短短時間，整到咁多餸出嚟。

薑，果然都係老的辣~~~

勁啊奶奶~~