椰香麵粉糕、煎讓青椒、惹味豆角

好耐無煎過麵粉糕食。

尋日早上起身後，求其幾湯匙麵粉，幾湯匙椰粉，少少砂糖，加清水，攪均。

即成一個粉漿。放置五分鐘後便可使用。

鑊落少少油，燒興個鑊，倒入粉漿，兩面煎至金黃即可~~

帶濃濃椰香味的煎麵粉糕早餐，真係話咁易。

附近一間街邊菜檔，成日有街市睇唔到的菜蔬。

買佐斤青椒仔，細細粒，完全唔辣。

愛來整讓青椒，最是一流。

肉只簡單地用「糖、酒、鹽、生粉、雞粉」醃好。

1、然後將青椒落鑊煎一煎表面。

2、跟住落蒜頭同薑片爆一爆香。

3、落水，豉油糖，燜一燜至肉熟，收干汁。

4、起鑊前，若水太多，可以埋個薄芡。

5、俾少少麻油同黑醋，兜一兜，起鑊~~~

惹味到咧。。。。

買佐扎短身的豆角。

切少少洋蔥同甘筍，用峇拉煎醬炒埋一碟。

又爽又惹味~~

滾一個杞子葉瘦肉湯。

強哥至愛~~

二人小家庭的簡單住家小菜

心滿，意也足~~