煎魚、醋魚、罐頭魚

一啲多春魚仔，用油半煎炸熟~~~

香香脆脆，一炸好忍唔住食佐好多先~~

一個椰菜、一罐豆豉鯪魚，炒埋一碟，惹味之極~~

煮多罐周打蜆湯，蒸個飯，搞掂一個晚餐~~

另一個晚上，用青椒甘筍洋蔥加埋牛腱，炒埋又一碟~~

一條沙猛，先煎至兩面金黃。

然後用薑蒜爆香鑊，落清水，落白醋，落片糖，落少少生抽，煮滾後將魚倒返入鑊煮一煮入味，最後俾個芡水收汁，搞掂~~

用片糖嚟俾甜味，相較用砂糖，醬汁會更為濃稠同香濃。

我自細就最鐘意食咁樣煮好的糖醋魚啦~~~

所以一學煮餸，即時問過阿媽做法，依家可以煮到同阿媽一樣的味道，甜甜酸酸，真係好滋味㗎~~