油浸欖角之欖角蒸雞亦「食譜」

唔知廣東以外的地方有無有人有食「欖角」的習慣？

細個時嫲嫲最喜歡買欖角返嚟與豬肉同蒸，一細碟仔的欖角蒸豬肉，蒸好後香飄四溢，這樣的香味時至今日還隱約記得。

好多年無食過欖角，前幾天在街市睇到南貨鋪有售，即刻買佐四兩。

欖角如果就咁買返來直接同魚啊肉啊一類的同煮，雖然味道都一樣咁香，不過稍嫌皮會硬佐啲，多吃於胃無益。

所以會先稍作加工再來儲存。

分享下廣東鄉下好古老的一種油浸欖角的制法。

下圖係剛買返嚟已鹽漬過的欖角，硬而鹹。

為增加香味，先取姜一細塊，磨成蓉，然後姜蓉裏加少少白糖及幾滴米酒撈均。。。

然後將薑蓉同欖角一起撈勻之後，上鑊蒸半個小時左右。

蒸好後轉入一個容器，倒入橄欖油，浸過啲欖角。

然後就可以擺入雪櫃慢慢食啦~~

就咁浸住的欖角已經好好味，愛嚟配飯或者下粥，都非常一流~~~

擺入雪櫃，可以大約擺半年度都唔會壞㗎~~~

尋日買佐雞亦，咁就拎佐幾隻出嚟用欖角蒸。

同樣的配料同做法，除佐雞亦，總適用於排骨或者肉片。

配料「欖角、生粉、生抽、少許鹽、蔥頭、蒜蓉、姜片、米酒」

因為欖角已有少少甜味，所以醃肉的時候無需再俾糖。

將醃料同雞亦撈好，醃佢一個鐘左右。

然後上鑊蒸十分鐘左右即熟~~

（蒸的時候要視乎自己蒸幾多嘢決定，我蒸少少，十分鐘已足夠，如果蒸得多，就要適當增加蒸的時間）

又滑又嫩，帶有淡淡欖角的清香，傳統的滋味~~