近年與母親多了成人間的閒聊，母親會與我分享年輕時的種種，聽過之後越加發覺，老一輩的人，生活猶其地豐富與精彩，越發突顯我輩的平凡。
母親年輕時被友人冠以「葫蘆」一名。
是因著身材的象形而成。已有足夠的想像空間，得知年輕時的母親，身材是如何地妙曼~
細腰豐臀，一步一婀娜~~
被周圍心有不甘的同性友人惡意地冠以「愛情專家」一職。
母親不無委屈地告訴我「都是旁人主動追求，我也無計可施」
據說當年的母親很是惹來一群的狂蜂，以致在周圍的圈子當中，引致許多不必要的猜測與惡意的言論，在那個還是很樸素的年代，這樣的流言非語，足以讓人感覺羞愧難當。
後來經人介紹，認識了有足夠能力帶母親脫離當時環境的父親，且在訂婚之前與父親直言不諱「你確定你有能力讓我過上另一種生活我才會嫁給你」
聽到這里，不禁嚇了一跳，如此市儈與現實的說話，在七十年代，算是很摩登的吧。
但不得不讚賞讀書不多的母親，有如此膽識與見地，幸好終於都能得償所願，婚後多年，與父親恩愛有加直至家父的離世。
相較之下，我平凡的煮婦生活，實在乏善可陳。
-------------------------------------------------------
今天這個平凡的小煮婦，煮了一大煲濃濃地粟米濃湯。
味道絕對比街售的有過之而無不及。
八卦一下，尋日係惠X買支李X記舊裝蠔油，送多支紅燒汁之餘，買單時陣時收銀話可以免費送多盒地門粟米。
有需要入貨者可考慮依個時候持貨。
咁免費有得送嘅粟米，當然即刻開嚟食啦。
粟米濃湯煮法，超簡單，比街食嘅總好味。
做法：
1，煮一煲水，我用佐大約800毫升嘅水。
2，水入邊落調味「雞精一粒、鹽細半匙、生抽一細匙、酒一細匙、胡椒粉適量。
3，水滾後，將罐頭粟米倒入。
4，煮一煮一二分鐘水又滾之後，較返個生粉水，倒入湯度，等啖湯濃郁結稠。
5，然後熄細火，二隻雞蛋打散，慢慢倒入湯里，快速用大湯匙不停攪拌。
熄火可用~~~
同街食有過之而無不及~~~
煮嘅時候最好就咁開住蓋煮，因為好易滾瀉~~
就咁簡單嘅幾個步驟，就有啖正湯飲啦！~~
回鍋肉，用配料：
五花腩一舊，烚熟之後雪一雪佢，再切成極薄片
然後再取青椒，甘筍，木耳等做配搭。
調味：
蒜蓉、甜面醬、陴縣豆瓣醬剁碎
做法：1，先將肉片，就咁擺入鑊里邊，開細火，慢慢煎到出油乾身。
唔使落油㗎，因為五花腩自己本身就有肥膏，會走好多油出嚟。
2，然後將煎好嘅肉片撥過一邊，落蒜蓉爆香。
3，趁鑊熱，倒入甘筍同青椒木耳落去爆一爆。
4，倒入甜面醬同豆瓣醬，落少少水，焗一焗等個味均勻。
5，熄火後，落一細細湯匙砂糖，等味餸無咁鹹，好味好多㗎。。。。。
全程無額外落過油，街食依味餸，好多油，超辛苦~~
正正嘅回鍋肉就炒好啦`~~
今日係買慣嘅齋舖買佐盒齋鹵味，咁多年嘅味道都依然無乜變過，好嘢~~~
今晚好滿足㗎啦~~~
沒有留言:
張貼留言