尋晚周日個個得閒返去做節。
奶奶肯定提早一日就要準備好材料。
煮佐成檯嘅餸，樣樣都好好味。
蒸餸之---魚肚蒸蝦膠
上次同奶奶去鹽田買返嘅面線魚嘅魚肚，奶奶先用薑蔥水飛過佢，然後切開一截截，中間讓上清爽彈牙嘅蝦膠，蒸熟，再埋個芡，搞掂~~~
蝦膠係老爺一早係西貢買返嚟，讓魚肚凈係用佐少少，上次我話整蝦多士超好味，所以老爺依次專登買多佐返嚟，凈有好多係要俾我帶返嚟，等我自己鐘意整咩就整咩食~~~
我頭先係度諗「整蝦多士？讓冬菇？炸蝦球？芋多士？」
一種材料可以發揮嘅地方實在太多，等我去到街市先至決定依個蝦膠點處理~~~
蒸餸之清蒸青斑仔~~~
老爺係漁排自己養嘅斑仔，唔駛錢，一斤左右重一條，好滑好嫩，老爺話街市賣都要一舊水一條㗎，咁貴咩？
蒸餸之八角蒸大肥雞
奶奶一早走去官塘街市買佐隻龍崗雞， 用鹽抹勻個身，雞肚入邊塞薑蔥八角，雞身再擺多二粒八角，蒸四個字。
蒸餸之蒜蓉粉絲蒸鮮瑤柱
老爺漁排自己養住嘅新鮮瑤柱，去佐殼，用粉絲舖底，蒸熟之後擺熟蒜蓉，淋蒸魚豉油，香極，粉絲最好味~~~
蒸餸之臘味雙蒸
加佐一條墨魚一起蒸，當小食~~
蒸餸之粉蒸肉
我整去俾大家尝试嘅，做法下期介绍~~
燜餸之發菜蠔豉南乳香菇燜豬手
奶奶知強哥勁鐘意食，燜佐好多，預佐一碟俾我帶返嚟，又食又拎，真開心~`
燜餸之豬皮蘿蔔乜乜燜
白烚之東風螺
白烚之海蝦
小炒芹菜馬蹄珍珠蜆肉
食飽飽飯之後，奶奶先至醒起「個炒珍珠蜆唔記得落腰果添」
哈哈哈，都食飽羅~~
好清甜嘅「淮山杞子干瑤柱花膠響螺瘦肉湯」
樣樣好味，開飯~~~
沒有留言:
張貼留言