生日快樂！

尋日12月11號，是母親大人的生日。

今日12月12號，是在下嘅生日嚟嘅。

所以由細都係同母親一起慶祝生日，母親遷就我，將生日移一移至12號先至一起過，所以幾時都係母親最錫自己。

1999年嘅12月31日，我寄佐一封俾自己嘅信，因是跨世紀之日，所有當日嘅信件郵戳都會顯示兩個唔同嘅日期，如無記錯，信中寫佐自己對於新世紀嘅願望同埋對自己嘅期望，我對自己嘅期望係二十五歲之時學有所成，三十五時之時有幸福家庭，四十五歲有自己嘅事業，五十五歲享受生命，六十五歲身體健康，七十五歲兒女膝下，八十五歲樂天知命。。。

基本上都係一步步按自己細個時嘅意願去成長同埋發展中。

諗返起細細個做小朋友嘅時候，生日願望必定係求上天「賜我無比嘅智慧去認識依個世界」

係計過度過之後嘅願望，因為容顏會消去，錢財未必能夠時時擁有，唯有智慧會係陪伴我一生嘅禮物。

彼時較為有慧根。

 

今年三十有一，已界中年之列。

強哥問我想要咩生日禮物，老實不客氣「一層寫我名嘅物業」

 

哈哈哈~~~

此時非彼時~~~

只能恨不相逢在幼時~~~

 

依幾日都會外出慶生，所以住家菜暫停幾日~~

 

生日快樂，受難日快樂，娘親~~~

永遠愛您！