香噴噴油鴨比香芋煲

今年都未買過臘鴨比食過，早前行經街市，見到有淡口臘鴨比好似好正咁，即刻買佐兩隻返嚟。

點都好，用水煮一煮走表面嘅污漕嘢同油脂。

然後斬件備用。

另外配以「香芋粒、臘腸粒、薑片、蔥段」做配角。

 

做法：

1，爆香薑片蔥段同臘腸粒。（落臘腸粒嘅目的係令到成煲嘢會帶有臘腸嘅甘香味）

 

2，芋頭粒可以先用油略略煎一煎到表面略略干身焦黃，咁樣煮嘅時候就唔會蓉得太勁，可以食到粒粒嘅芋頭。

3，然後倒入斬好件嘅臘鴨比略炒至出油。

 

4，加水，加少少老抽同生抽調味，落少少糖中和個咸味。

5，燜至收汁，熄火前倒入一細碗仔嘅椰汁，芋頭同椰汁配埋係好香好香㗎，加埋臘鴨嘅甘香味，依碗椰汁，係必不可缺㗎~~

 

芋頭好勁縮水，如果鐘意食汁多啲就要落多啲水去燜啦，我依次落得水少佐啲，不過再加熱嘅時候，都有汁走出嚟。。。。。

依次嘅臘鴨批好香，好好送飯~~~

 

買佐盒碗豆苗，愛嚟滾湯。。。。

有啖湯水，有啲菜食下，咁一煲鴨一煲湯菜，幾好~~~