深圳鹽田一游

唔怪得老爺咁關心我病好未，原來想我今日陪佢哋過深圳開個會。

平日老爺同奶奶都係自己渣大飛從西貢飛艇仔到深圳鹽田然後再上岸，不過依幾日天氣唔好，風高浪又大，奶奶唔想老爺出海，所以諗住由陸路過深圳鹽田，咁佢哋國語唔係咁好，陸路又唔熟，咁就叫家嫂我陪佢哋行一轉，嚟個深圳鹽田一日游。

上網查過座車方法，先去九龍塘座直通巴，直達到沙頭角海關，然後沙頭角海關出佐嚟，再轉2蚊大巴就到鹽田海鮮街。

晨咁早六點就起身，8點幾鐘已經到佐沙頭角，九點幾鐘就到佐目的地。

一到步，奶奶就帶我去一間好細間嘅茶樓仔飲茶，一入到去，即刻好多人同奶奶打招呼，奶奶好開心咁同大家介紹「係啊，我新抱啊，陪我啲過嚟開會啊」

----------------------------------------

奶奶隆重介紹嘅自製手打墨魚丸， 真係不錯，好彈好香嘅墨魚味。。。。

 

間舖頭雖然一層細細，但係都有上下三層樓，不過睇到好多本地漁民都係度飲早茶，就知味道一定有返咁下上，果然，食過就知，味道真係唔錯，比香港好多大酒樓嘅食物質素都高~~~

不過張台又細喎，食完啲籠又唔收得喎，原來無點心卡，找數時要點籠仔計數㗎。。。。好原始喎~~

食飽飽早餐，去開會。

老爺就嚟依度開會啦。。。。

原來有錢收喎，唔知係深圳政府因乜事賠啲錢過深港兩地嘅漁民。

不過指定要係中國農業銀行開個戶過數，咁下晏再陪佢啲出深圳開個戶，有我係度幫手，都易搞好多，一次過搞掂佢~~~

順便係深圳食啲香港無嘅嘢嘛。。。。

開完會，奶奶去熟悉嘅舖頭買魚肚。

同樣品種嘅魚肚，係香港要七百幾蚊一斤，係依度因為都幫襯佐十幾年嘅熟客仔，所以都係收返四百蚊一斤，平好多，奶奶買佐一斤返嚟，做節成日要用到佢㗎。。。。

 

老爺同奶奶就經常係度買網啦，平過香港好多~~~

有時好天嘅，老爺自己會飛艇仔過嚟買㗎，買完網就順便係間茶樓飲下茶食下飯，都幾開心㗎~~

 

奶奶帶我去海邊睇下，十幾二十年前，剛剛做漁排果陣時，無乜本錢，就唯有自己去搵魚種，當時鹽田依度好多魚獲，魚苗仔都好多好多，咁老爺就會係船上扯住網，奶奶就係岸邊依啲石之間撈魚苗，依個海岸邊，留下好多奶奶嘅腳毛㗎~~~

其實聽到都覺得當年佢地真係好辛苦~~~~

 

奶奶就形容俾我聽，如果自己開大飛過嚟，咪就咁樣泊係岸邊，然後憑住深圳政府發嘅行街紙，就可以隨便咁唔使經海關，係深圳上岸啦。。。。

 

 

哈哈，老爺奶奶嘅深圳戶口薄~~

 

今日發現一個問題，開會嘅全部都係有返咁上下年紀嘅漁民，基本上係無後生嘅人再從事依個行業，好似老爺有四個仔，但係無一個肯接手佢嘅漁排生意，唯有睇下老爺做到幾時算幾時咁囉。

如果無後生嘅去接手，會唔會以後依個行業，會後繼乏人？

 

 

係細機入邊發現總有幾張幾個月前係APM影嘅蠟人像。

 

真係好佩服啲人，如此巧奪天工嘅工夫，真係嘆為觀止~~

 

初一眼真係以為個肥佬睇場睇到瞓著佐，再細看之下先至發現，原來畫中有畫，個肥佬，亦都係畫中人~~~

 

依個爺爺就咁睇無乜特別~~~

 

睇大圖，做得真係好似樣㗎~~~~