住家小菜---孜然炒羊肉、上湯豆苗

早幾日上深圳，當然少不得去超市買返啲香港無嘅嘢補下倉。

好多香港人都唔敢買大陸嘢，驚假驚唔安全。

當然我都驚，但未至於到佐因噎廢食嘅地步，好多嘢都會選擇性地購買，好似依款麻辣腸，同老公都超鐘意食，所以依次係超市都入佐兩磅返嚟。

蒸佐兩條~~~

碗豆苗，我係香港買一次咁嘅份量要二十幾蚊，係深圳買，都係七蚊雞咋~~~

整佐碟上湯浸豆苗~~

作法：

1，豆苗汆一汆水一分鐘等佢略熟。

2，爆香蒜頭同蔥頭，倒入醃好味嘅免治豬肉炒散

3，倒入上湯（超市盒裝雞湯）煮滾，落少少鹽，倒入步驟1嘅豆苗滾三十秒

搞掂，上碟~~

 

正正晚餐，有毒無毒，食完就算~~

 

----------------------------------------------------------------

尋晚，買佐盒打邊爐嘅紐西蘭肥羊，先用豉油糖生粉酒辣椒粉孜然粉醃入味。

切半隻洋蔥，三分一甘筍，一扎荽莤做配料。。。。

 

做法：1，落油爆香洋蔥同甘筍，落少少蠔油較味。

 

2，洋蔥等撥一邊，倒入羊肉爆炒至干身。

3，將所有材料兜勻，落少少鹽調味。

4，熄火後倒入一扎荽莤，再落孜然粉同辣椒粉，等碟餸更突出香料嘅香味

 

又係超正嘅孜然炒羊肉，老公竟然話未夠辣~~

佢依家真係好食得辣~~

 

都成年無食過依隻紅色嘅菜心囉~~~

好甜好腍㗎，香港我凈係早排係荃灣大街市見過有賣，其它地方未見過~~~

 

簡單地用蒜蓉炒埋一碟`~

炒好之後紅色素就唔見佐喎~~~變返綠色~~

尋晚嘅晚餐就咁啦~~