主打白汁---煙肉蘑菇忌廉湯、白汁蘑菇腸仔意

買佐罐蘑菇，大罐裝，剛剛好夠晚餐一個湯，一個意粉所需。

湯

材料：洋蔥、蘑菇、煙肉

其實同做白汁的過程基本相近，先用牛油炒香煙肉與洋蔥，跟住倒入少少面粉炒勻，然後倒入牛奶與忌廉，用少許鹽與黑椒粉調味，就成了最簡單的煙肉蘑菇忌廉湯啦。

然后將湯轉入耐熱容器度，上邊再擺一塊酥皮（我就係用早幾日介紹整豆沙酥餅果款酥餅皮）

然后擺入焗爐，上火焗二三分鐘就OK啦~~

自己係屋企整酥皮湯，話咁易啦。。。

買佐包芬蘭肉腸，第一次用依款腸仔，原黎個味都OK，下次再入定包，整熱狗食都唔錯。。。

因為是要撈意粉食，所以材料相對的較多，除了肉腸，還有一些煙肉，少少甜粟米，做湯剩低的蘑菇都切片一起做醬汁。

個做法同上邊個忌廉湯差唔多，區別只係個材料加多少少，當然，我想個味再惹味D，所以落多少少辣椒仔落去。。。勁好味。。。。

為佐令到味道更加均勻，將烚好的意粉再倒入醬汁入邊炒一炒，咁就可以裝碟啦`~

 

 

一人一大碟，加埋一大盅酥皮湯，正~~