事不過三之---屋企自製爆谷三步曲

好鐘意食戲院既爆谷，次次去睇戲必定要買一大包，只不過價格真係令人幾肉痛。
係網上睇過人O地可以係屋企自己整爆谷，咁人地可以做到，相信我都唔會例外。

早輪係裕記買佐包粟米，係專for整爆谷架，見佢平平地，咁就買佐一包仔返黎試玩下。

今日見實在無聊，開工試玩。


part 1  之光波爐失敗篇  

咁光波爐我真係用得幾多下既，咁第一次試玩，就用光波爐啦。
因為完全無概念要點整，咁就憑想像試下。


1，先落少少牛油同埋二塊朱古力。
2，開猛火加熱，再落粟米粒同埋練奶（甜D好食D）
3，開火焗。。。。

焗佐十幾分鐘D粟米都係無反應，反而D朱古力就農晒。。。

試驗第一次，失敗！

part  2 之中式炒菜鑊失敗篇

因為用焗爐整爆唔開粟米，我分析係可能熱力唔夠，同埋加熱慢，所以導致佐失敗。
咁就試下用炒菜鑊，火力升溫得更加迅速，應該掂既。
即刻試第二次（個光波爐都未清潔架）

1，落牛油將油加熱
2，落朱古力同奶調甜味
3，落粟米粒，加大火，COM埋蓋。
4，哈，D粟米爆開少少啦。。。。

但係，D朱古力糖又係農晒，D粟米爆得勁少，第二次中式炒鑊嘗試，又失敗！

 

D失敗成果，成袋咁多。。。。

part 3之煲仔成功篇

一日可以承受既失敗有幾多？我既答案係「無數次」---覺得自己好英啊。。。。

雖然連續失敗二次，但係唔代表我可以就此罷手。

反正屋企煲煲多，試完一個再一個。

咁用佐二個爐未洗，唯有用依個平日煮面仔既細煲仔黎整啦。


我係一個幾咁硬頸既人由此可見啦。。。


再一次分析早二次失敗既原因。
咁除佐溫度，我似乎唔應該太高溫令到D朱古力農晒，同埋可能唔使太早落D朱古力糖。
所以第三次我採取另一種方式去製作。

1，依次我落佐花生油（因為沒晒信心，費事再落牛油難洗凈個煲，落炒餸既油好啦）

加到油出煙，燒熱個煲。

2，然后即刻熄到最細火（重點啊，一定要熄細火），落粟米，然后用手壓住個蓋。

果然，唔使一分鐘，D粟米啪啪聲。。炸開佐花啊。。。同埋好靚好乾淨，爆得好開心。。。。

一D都無農啊。。。。

一分鐘咋。。。。。

3，聽到無晒啪啪聲，就可以開蓋，趁熱落朱古力同埋練奶調味。。。。。。

哇哇哇。。。。

超級成功！！！

以后總使出街買爆谷咁搵笨既。。。。。

以后係屋企睇戲果陣，一樣可以享受到熱辣辣既爆谷啦。。。

總係朱古力味添。。。。。

因為係臨時想整爆谷，又好鐘意朱古力味，咁屋企凈得依隻食開既朱古力，其實真係好唔捨得用佢黎試驗，好貴好心痛啊。。。

不過最后證明，用依隻朱古力整出黎D爆谷，真係好好味架。。。。

下次再買過D平朱古力黎試整，睇下個味差距大唔大，或者朱古力醬應該都得架。。。

又或者下次再試過花生醬味？果占味？。。。。。

 

聽日係周末啦，希望我整爆谷既心得可以幫到各位增加多一項休閒既節目啦。。。。

同埋依個係一個好好既親子活動添，聽日就去買黎試下啦。。。。

祝各位周末愉快！！