二餸一湯之---麻婆豆腐、香芹炒牛腱、芫莤豆腐湯

麻婆豆腐煲，惹味。

做法以前有講過，唔重複。

 

買佐條牛腱，係細牛仔既牛腱，所以基本唔會韌。

而且中間有筋，食落口感更加趣致，愛黎爆炒，比之牛柳更為得意。

個牛腱皮果層膜要除去。

然后橫刀切片，睇下，牛腱入邊D筋紋好靚~~~

醃牛肉我會落大量既薑絲，同埋生老抽，少少生粉，最緊要係落多少少油去醃牛肉，如果有時間，醃既時間耐D，咁炒起上黎既牛肉，一D都唔會韌，無落小蘇打拉過既牛肉，先至可以食到香香濃濃既牛味。（PS.因為油會令到牛肉里邊既纖維脹大斷裂，所以醃牛肉落多少少油，咁炒起上黎D牛肉真係會滑好多）

睇下，個牛腱片，一炒好就卷做一卷，食落一D都唔覺得韌。。

芹菜我專登炒耐D，等佢可以吸收牛肉汁，咁食起上黎更好味。。。

 

另外用芫莤豆腐，加埋味噌醬，落幾粒粒魚蛋落去，求其有啖湯水飲下。。。

 

又係一餐至簡單既住家餸~~~