早幾日行經油麻地果欄果頭，見到個婆婆係度售賣一盒盒既桑葚，唔係粒粒新鮮，不過勝在價格夠平，平到你都唔信，幾平？三蚊二盒，平唔平？
真係平到如果唔幫襯兩盒我都唔會開心既地步。
買佐兩盒返黎，將唔靚果D取走，剩低果D用鹽水浸一浸，清潔下。
因為唔係太新鮮，所以我買果陣都唔係諗住當生果食，而係準備返屋企，整桑果醬。
平日係超市買樽味道稍好既果占都要三十蚊以上，其實整果占真係好簡單既一件事，只要有足夠既材料，自己係屋企都可以整到無防腐劑既全天然果占架。
桑果係味道與顏色都好靚既一种生果，愛黎整果占真系一流。
清潔佐之后既桑果，真係好靚。。。。。
好啦，廢話少講，講下我整桑果醬既材料先：
「桑果一碗，蜜糖一碗仔，檸檬半個，冰糖一舊」
另外為佐隻果占個口感更加具有質感，我加多一匙既「蘿蔔陳」既嗜喱粉，黑加倫子味。
做法：
1，凈煲落桑果，完全唔使落水，因為桑果本身含有豐富水份，一遇熱就出佐好多水，熱佐既桑果用個匙梗就好容易就可以將佢地壓碎，同時落一舊仔冰糖落去一起煮。（落冰糖係需要個甜度，落蜜糖係要個甜度之餘，帶有一种蜜糖天然既清香，不過蜜糖不宜過早落，因為過高既溫度會將蜜糖本身含有既天然成份破壞）
2，煮大半個鐘桑果同冰糖之后，桑果既味道全部出晒黎，然后將準備好既嗜喱粉開好水，倒入桑果汁里邊攪拌均勻，熄火。
3，待溫度有少少降低之后，榨半個檸檬汁入去，再撈個蜜糖落去，依個時候就可以自己調較個味道，鐘意甜D就落多D蜜糖，鐘意酸D就落多D檸檬汁。
咁樣，一碗仔新鮮熱辣無防腐劑既香噴噴既桑果占就搞掂拉。。。。
早餐愛黎擦方包，一流~~~
或者將桑果醬同鮮奶溝埋飲，酸酸香香既桑果奶，總正~~
咁其實桑果醬既用途唔單止溝奶或者擦方包咁單調既，愛黎整點心，一樣咁掂。
用佐少少面粉，發佐一大盆面團。
都係天時稍熱既時候整包最好，半個鐘都唔使，個面團就發酵完成。。。
睇下個發酵程度。。。
幾靚。。。
不過發酵粉都好重要架，我係早一日先至新鮮係餃子舖買佐一包仔返黎，舊年凈低果D已經失效扔佐羅。。。。
取大半舊面團，搓成一個圓薄片（可惜我搓得太薄，食起上黎口感無咁厚，下次再整，個圓面皮會搓厚D。
1，係搓成圓形既面皮上擦上一層花生醬
2，再擦一層桑果醬
3，卷卷卷起黎，兩端捏實封口。
然后上煲蒸熟即可。。。
因為凈係整少少做早餐，所以D面團只夠整一個桑果卷，加埋三個豆沙包。
哈哈。。。睇落似唔似一個笑住口既公公啊。。。。
切開個桑果卷睇下。。。
鬆鬆軟軟既面皮，加埋香香甜甜又有少少酸咪咪既桑果醬同埋香噴噴既花生醬，超好味。。。
豆沙包更是我既最愛。。。。
所有豆沙既食物我都好鐘意啊。。。。
豆沙包尤其鐘意。。。。
鬆軟既面皮配以香噴噴軟糯糯既豆沙，正啊~~~
沒有留言:
張貼留言