玩不夠的面粉主義

上次用酥餅整豆沙餅，回應中得網友提示，同樣方法一樣適用於咸味，肉香之中。

因此，過得幾日，買佐盒免治豬肉，做另一種嘗試。

做法：

1，先用油，爆香切成粒粒的洋蔥與甘筍粒。

2，免治豬肉直接倒入鑊內，加咖喱醬，胡椒粉，豉油，糖較好味

睇下，幾個步驟就整好佐一盒香噴噴的咖喱肉餡。

裝入保鮮盒擺入雪櫃，可以保存二天日都唔怕架。

整好的肉餡，其餘做法就好像我整豆沙酥餅一樣，包入酥皮度，不過我依次直接放上平底鑊度烘熟佢，因為個酥皮本身含有豐富的油脂，所以平底鑊直接凈鑊焗佢就得啦，不需要另外俾油。

如果唔知做法，可參考我焗豆沙餅的文章。

http://hk.myblog.yahoo.com/fei12478/article?mid=2148&prev=2180&next=2138

咬一啖睇下個效果。。。。

幾鬆化。。。。

加埋香噴噴的肉鬆，正`~~

幾時都係肉最好味~~~

--------------------------------------------------------

整餅真係會上癮，第二日，本來準備係要發少少面粉整包包食，點知個酵母菌可能開佐包裝太耐過晒有效期，搓好的面團成二三個鐘，少少發酵的跡象都無，咁唯有臨時改變策略，唔整包，整餅。

做法：

1，面粉加水揉成面團之后，再搓成薄片，中間落肉鬆。

2，將面片卷起

3，將卷好的面片向上繞成一圈，再壓扁，搓成一個薄的面餅狀

4，落少少油，擺入平底鑊度烘熟

香噴噴的咖喱肉鬆餅，就咁整好啦~~~

--------------------------------------------

因為開佐包豆沙餡，要儘快消耗佢，所以另一日，用

「糯米粉一杯，粘米粉半杯」整一個糯米餅

做法：

將糯米粉同粘米粉混合好，然后一半用滾水搓好粉團。

另一半就用普通凍水搓好面團，然后將二种唔同溫度整的面團合埋一起搓均。

依种方法叫「生熟粉」

用滾水碌熟果D粉，粘性會強D，咁對於面團整形有好大幫助

然后用少少粉團，包住豆沙餡，再壓扁，一樣用平底鑊咁煎熟。

唔同材料，同樣的做法，出黎的事物可以差天共地。

鐘意糯米果種煙煙韌韌的口感~~~

依款糯米餅，我至愛啦。。。。

上邊個糯米餅的做法唔夠清楚，可以參考下邊幅圖。。

不過下邊依款，我係轉佐面粉黎整咁解。

面粉同樣用滾水開面粉一半，另一半普通凍水就可以，包好之后，同上邊果個糯米餅有少少唔同，要再搓薄D，咁食起上黎個口感會好好多。。。

又係用平底鑊烘熟架~~~

整中式餅仔，幾好玩架~~~