食鴨----傳統香芋臘鴨煲製作

近日強哥工作量大增，工程的時間較為緊迫，晚晚收佐工返來，食飽飯即刻又開工，對著圖紙不停計數並安排工作，知道佢工作上的壓力好大，無乜可以幫得到佢，能做的唯有傾聽佢工作中遇上的困難與委屈，安排好自己平日的生活，不長氣，唔發脾氣，強哥收佐工回來，奉上碗老火湯，食多啖熱辣辣的飯餸，如此而已。

 

依一日，煲了一個青紅蘿蔔排骨湯。

加了些紅棗，枸杞，黨參等家常藥膳，味道更為鮮甜。。。。。

 

買佐半邊燒鴨，專登叫師傅大鴨比留返，我至鐘意咁樣成隻扯住食啦。。。強哥錫我，從來個鴨比佢都話唔鐘意食而讓俾我，。。。。

馬拉盞炒椰菜。。。

全家福。。。。

 

--------------------------------------------------------------------------

第二日有湯水凈，唔使煲，咁雪櫃一隻買佐好耐既臘鴨比要解決了。

因為唔知晾曬過程會有幾污漕，所以食之前先用水煮一煮個臘鴨比，順便煲淡D咸味。

整這道菜的材料如下：

1，洗凈的臘鴨斬件。

2，芋頭滾刀切塊

3，薑蔥為調味料

4，切佐半條臘腸，可以極好的增加成煲野的甘香味，依個係老師傅的傳統做法，我都照版抄佐。

5，一碗仔的椰漿，平衡臘鴨的咸香味，增加芋頭的濃香。

  作法：

1，熱鍋下油，爆香薑蔥。

2，將芋頭倒入略炒至焦黃

3，將臘鴨與臘腸扔進去略炒

4，加水，加糖，一點點紹酒，加一點點老抽增加醬香味與色水，燜至收汁。

收汁之前倒入椰漿。

轉入瓦煲仔度，洒上一細把的青蔥沫，開一開火略焗，成煲臘味的香味，配合上薑蔥的味道，非常非常一流。。。。

芋頭永遠都比主角更出色。。。

再用馬拉盞炒多個通菜，掂~~~

係咁多~~