愛是什麼？幸福是什麼模樣？有人窮其一生，追求的都是同一問題，並且不果。
我想這當中沒有一個類似１＋１＝２的的標準答案。
只有真正遇上了，感受過，答案自然破繭而出。
因際遇，因對像的不同，答案當然的千姿百態。
於我，是他對我知性的百般容忍，是他對我理性的千依百順，是他對我感性的萬般欣賞。
閒賦家中，百無聊賴之時，胡思亂想的機會多，今日覺得廚房該加多幾個層板，於是隔天強哥馬上買來角架與層板，明天覺得沙發實在礙眼，后天強哥就直接送到別人家，又突然一日，覺得書房的梳發根本應該擺大廳，買來沒幾耐的餐台實在討厭，強哥聽后一句說話都無，只提筆係張紙仔上不停地畫花花。
原來不是畫花，而係在畫新的傢俬草圖，馬上畫佐幾個方案，左思右想應該點樣最合我心意，最后俾我過目確實最終方案，選材料，訂顏色，落訂單，一氣呵成。
一個永遠都能沉默地為你解決問題的男人，叫我如何不愛他。
這一日，煲粥給他。
最愛的泥猛粥。
首先煲好粥底，我煲粥的方法：
1，先用快速煲壓五分鐘
2，然后開蓋猛火煲二十分鐘。
靚靚粥底好簡單。
俚日煲泥猛粥，泥猛係一种帶有奇異淡淡果皮味的海魚，最不宜與薑搭配，最適宜與陳皮配搭。
因此煲既粥底，只需簡單的落幾塊仔浸好刮佐白膜的果皮同煲即可。
下圖係壓佐五分鐘之后，已基本開佐花的米粥。
幾條已清潔好既泥猛。
然后放落已煲好既粥底度，落少少鹽較味。
食過奶奶係漁排煲既泥猛粥，先煲好一煲的粥底，然后新鮮打撈上來的泥猛，現殺佐即刻擺入粥度，新鮮程度百分百，咁樣一煲粥，鮮美得連舌頭都幾乎吞下。
而今晚整的泥猛粥，據食佐三大碗的果個男人講，同樣鮮美無敵。。。。。
絕對俾晒感情分係其中。。。。
菜脯係潮州人既叫法，其實即係蘿蔔干，切好粒粒既菜脯，落蠔油同糖炒香味道。
因為菜脯已有足夠味道，所以最后只需將打好既蛋液倒入鑊里，煎香成形。
自細就覺得，菜脯煎蛋愛黎送粥，真正一流。。。。
奶奶係水上人出身，所以對海產類食物非常有要求，好似魚膠咁，從來都係自己買來膠魚自己打，絕對唔會買街度打好既魚肉，因為果D同自己打既魚膠，係根本二回事。。。。
早一日奶奶整佐D煎讓三寶，係用自己打既魚膠，新鮮彈牙，出邊無得食架，我自己鐘意味道重少少，所以再用豆豉蒜蓉爆香個鑊，然后落少少蠔油少少水，再燜過煎讓三寶，送粥送飯，都無得頂~~~
好簡單地清粥小菜，足矣~~~
沒有留言:
張貼留言