家常便飯之豆卜蒸排骨

曾經食過一味「干煸四季豆」的川菜，好鐘意佢香辣干爽的口感。

早幾日買佐盒甜豆，本來打算就咁用肉鬆清炒，點知臨煮之時，想學下整果味干煸四季豆，咁就學人用油炸一炸個蜜豆，但係我錯誤地低估佐蜜豆本身含有的水量，想學四季豆咁炸干身既甜豆，個結果係炸得半干度，即無想像中的干爽樣，亦失去佐甜豆本身自有的清甜。

 

再加埋醃得味道過重的免治豬肉，加埋辣椒花椒孜然粉，得出既結果係絕對令人沮喪的失敗。

唔想多講個味道啦，二個字講晒---「惡頂」

好彩另一味就都OK。

蒸排骨。

1，排骨我就買佐盒帶白色軟骨果D一字排啦，阿媽話帶軟骨果D肉最滑最好味，咁買返黎既排骨，先用腐乳，豉油，糖醃好味半個鐘或以上下其手。

2，將豆卜用熱水洗一洗，切開對半，舖係個碟底。

3，醃好味的排骨，再撈埋生粉，麻油，一大匙「李X記蒜蓉豆豉醬」，舖係豆卜之上。

4，上鑊蒸十五分鐘度。。。。

一碟鮮甜美味既排骨蒸豆卜就搞掂啦。。。。

其實底下果D豆卜吸晒肉汁，成碟野最好味反而係佢添。。。。

另外，用佐二包仔味噌醬做湯底，加埋一大碗既芫莤，一舊豆腐，少少免治豬肉，滾佐一個芫莤豆腐湯。

快速又美味既滾湯。。。。。

又係一餐家常便飯。。。。。

飯后，食星星啦。。。。。