傳統小食---油角仔

 

應該話我學識包的第一款餃子就是油角。

父親親手教識我。

媽媽會做許多異域的特色點心，但對於中國傳統的點心反而是弱項。爸爸係傳統廣府人，所以逢年過節，屋企除佐媽媽拿手的印尼點心，總要加埋一些父親心中的傳統小食。

油角是爸爸唯一會整的點心吧，因為從他處，我只學會了這一味。

所以對於油角的意義，除佐是應節的小點心，還是父親予我關於廚房，最初的記憶。

少時逢年過節，總是自家制了許多的小點心，那種齊參予的感覺，就是“年”的感覺。
媽媽負責和面團，我負責包油餃，爸爸負責炸。

好希望可以學多一些應節的小點心，做為以後的親子活動。讓孩子最直接體驗過節的氣氛，大家齊動手，是最好的方式吧。

油角，一種甜的，油炸的餃子。

先說說面皮。

材料：300克的低筋面粉，三個中型雞蛋，一小小碗的豬油，二兩左右。

豬油要隔水蒸化，順手蒸埋二個雞蛋，因為得我一人操刀整角仔，咁晚餐唯有因陋就簡，整雞蛋沙律依D提早可以整定既食物。

細個果陣時，整餡我覺得都幾大功夫，又要先炒香D花生，再舂碎，依家係街市可以買到D青島運黎，已烘乾既花生，就咁剝佐殼同衣，已經好香口，直接買磅返黎，去佐衣舂碎就得，跟住加D椰絲同白砂糖撈勻，咁就整成油角仔既餡啦~~

做法：

將面皮所有的材料撈勻，和好面團，靜置一陣間。基本上我無過加水，凈係靠雞蛋與豬油和好D面，如果太幹，可以適當加少少暖水。

1，然後搓成薄片，用個杯仔，印出大小一致的面皮仔。

2，面皮包入餡料，對半折好捏實，不可包入太多的餡，因為餃子炸的時候會漲大，如果放太多的餡，很容易一炸餃子的就爆開。

3，通常油角都是用的這種折花的方式折好餃子，一來口感上更好，二來外觀漂亮，三來更好的鎖死封口。

一個下晏，自己就整佐咁多多個啦。

雖然有人話，出邊買都幾十蚊磅咋嘛，使乜整得咁辛苦~~

講依番說話既人，肯定唔會明白自己親手整出黎之后果種喜悅的心情。。。

包好角仔之后就係炸了。

買佐一支平平地D油黎炸~

因為面皮加佐雞蛋，所以加熱之后會變脹大，我落餡果陣時就輕手佐D，咁炸好之后，真係無乜爆開既現象。

一直炸到轉成漂亮的金黃色，咁就得啦。。。

 

雖然係第一次整，不過我覺得都算OK啦。。。。

係個皮唔夠鬆化，有少少硬身，唔知咩原因咧？

 

 

 

---------------------------------------------------------------

當時整角仔，無時間煮飯，咁就提早醃定十幾隻雞亦，晚餐整佐一個沙律，再焗D雞亦，加罐可樂，係咁多~~~