上次整佐扣肉返去俾幾個叔仔食，個扣肉皮炸得好靚好鬆化，影像以示留念。
之前過深圳，係口岸個街市買佐一把紅色既菜心，聽聞話係湖南運過黎，係果一度先至種得出依個品種，咁就買佐一扎返黎試下。
其實我真係幾師奶架，去到邊都係挂住一日三餐咋嘛。。。
最慘係個樣唔似師奶，去到街市經常被人搵笨~~
依種菜心，返到黎同阿媽一講，佢都買過，都係三蚊二蚊一斤，我去買，就五蚊一斤，又被人搵笨（我唯有安慰自己，阿媽都係幾一個月前買啦，可能依排升佐價咧）
不過依種菜心又真係好好味，炒出黎好甜，一D渣都無，同埋好腍好腍啊，而且因為葉綠素的作用，一炒出黎，個桿就變返佐綠色架啦。。。好好玩~~~
整扣肉個肉邊邊角角位切佐落黎又一碗仔，同青椒甘筍，加豉油糖炒做一碟，好惹味`~~
咁就一餐搞掂啦。。。。
---------------------------------------------------------------------
第二日買佐舊粉葛。
阿媽教我，煲湯D豬骨先用油煎一煎香再煲，咁D湯會變得好濃好白。
咁我煲依個湯，唔買骨頭，而係買佐一舊梅頭肉，我又試埋煎一煎
又係加佐D豆豆，赤小豆眉豆花生意米咁~~
依排我好鐘意飲豆豆湯。。。。
另外買佐盒清清爽爽的婉豆苗，無高湯，咁就切佐D煙肉粒粒，煙肉會令到菜汁變得好濃郁同埋好鮮甜，加埋D蒜蓉~~
好好味~~~
另外一煲係奶奶整俾我既南乳蓮藕燜豬手，好滿足的一餐~~~
沒有留言:
張貼留言