應承佐一個朋友，教佢整馬拉盞，一直都無乜心機去整，依排見得閒，就整佐次順便影埋像，做個記錄都好。
其實我覺得馬拉盞同港版XO醬的做法有異曲同工之處，大家的配料都大致相近，區別只在於些許調味品的不同罷了。
最緊要係整馬拉盞有一味最緊要的味道，馬拉膏。
我係印尼商店買的，包裝紙一早扔佐，所以唯有睇下個馬拉膏的樣。
馬拉膏係細蝦仔用鹽發酵之後的製成品，有極強烈的味道，同咸魚一樣，愛之入骨，恨之避之不及。
我多數整係好家常版的馬拉盞，通常配搭通菜或者油麥菜豆角依D吸味的菜來炒先至好味。所以基本上馬拉膏已經係主角，其它不過係少少配角。
我就用佐「蔥頭，蒜頭，香茅，蝦米」幾樣野來炒出香味。
所有材料都要舂碎，當然亦都可以用料理機代勞，只不過我屋企自細睇阿媽都係用舂舂整，話咁樣個味會香D，想深一層，亦都有咁既可能，因為食材經刀鋒高速界斷，個裂層的味道好快就被鎖住，而用舂舂依D原始的做法搞碎，D食材料的味道反而得到極佳的發揮。
跟住既做法同XO醬就真係無乜區別。
1，先用油將蔥頭與蒜粒爆成金黃色，跟住倒入蝦米亦爆出香味
2，將步驟1的材料撈起
3，另外油鑊，爆香馬拉膏，一遇熱D膏就散開，散出濃烈的味道
4，跟住將步驟2倒入去炒勻，咁就搞掂啦。。。
睇下，香咁噴~~~
第二日，買佐盒加拿大肥牛，同雪櫃凈低既半個椰菜，半條甘筍一起，加埋馬拉盞，係咁易炒碟惹味的餸菜~~~
出邊D所謂馬拉盞炒乜乜乜乜。。。D味清到要好認真先至聞到馬拉膏的味道，都係自己泡制個味先至最正~~~
勁惹味的一味餸~
另外用濃湯寶，魚肚，蝦米，甜粟米滾佐一個簡單清甜既湯。
用既係新鮮粟米自己剝佐粒粒，再用舂舂將佢舂爛，煮果陣時先至夠鮮甜~~
雖然材料都係隨手所取，但係出黎既味道，絕對唔差架`~
一餸一湯，夠晒~~~
沒有留言:
張貼留言