一鍋

炒餸嘅次序通常我都會遵循「先乾後濕，先淡後濃」嘅原則。

只要處理得當，煮餐飯，只需要洗一次鑊。

譬如依日，準備炒兩味餸「菜脯炒蛋、肉絲炒豆角」

咁菜脯同蛋炒好後都會係乾身嘅，肉絲相對炒好後略濕。

所以處理上，就先整菜脯炒蛋。

炒蛋用易潔鑊係全無香味嘅，所以我就用佐陽極鑊去炒，只要記得炒蛋落油稍多少少，等鑊全熱之後先倒蛋入去煎至稍定型再翻炒，咁就無論用任何鑊都一定唔會痴底。

而且只要第一次煎佐蛋唔痴底，因為鑊已經食飽佐油，咁餘下再炒任何嘢，都絕對絕對唔會痴底，就算煎魚，都唔會痴底㗎~~

香噴噴，菜脯炒蛋~~

炒完菜脯蛋，個鑊好乾淨，所以無需洗鑊，直接落少少油入去，炒熟肉絲。

睇下，猛火炒熟嘅肉絲，都一樣唔會痴底㗎~~

因為先煎過蛋，個鑊已經興過有油，所以再炒生肉，都絕對唔會痴底~~

肉絲炒好後先另外置碟，然後炒熟豆角，最後先將肉絲倒入去一起炒一炒就搞掂。

家常小炒，肉絲炒豆角~~

蒸飯用的都係同一個陽極鍋，所以話，依餐飯，由頭至尾，一鍋搞掂~~~