成個周末，係雨造成的。
邊度都去唔到，唯有乖乖係屋企，同強哥四目相對~~
無出街，晏晝係屋企食。
周六：炒米粉。
材料有強哥至愛嘅蛋，同埋午餐肉粒粒火腿絲。
有一包娃娃菜，炒佐一把。
將浸腍嘅米粉放入鑊。
俾生抽老抽較味。炒米粉無落鹽，會碎。
油唔好太早落，會消失唔見。
所以最後再落較多油嘅炒蛋炒午餐肉，再落埋少少油。
炒啊炒啊，炒至干身~~
一碟香噴噴少油少鹽嘅炒米粉~~~
炒好啦~~
雨一直下~~
周日晏晝，懶得落街食，繼續自己煮。
蒸：外賣一盒小籠包，可以難食到咁嘅地步，真係難得。
加埋幾粒僅存嘅魚肉燒賣，一起蒸。。。
唔夠。
煮多煲薑水。
煮湯圓~~~
咁先叫夠喉~~
成個周末邊度都無得去。
唯有係屋企砌模型。
我砌個身，強哥砌背後嘅槍~~
男人多鍾意玩槍，我唔同佢爭~~~
幾個鐘砌完~~~
無癮~~
沒有留言:
張貼留言