煎餃水餃乜都搞

我有一個極端變態嘅習慣，一落大雨天時，就一定好想食餃子。

雖然到佐第二日，已經係天朗氣清的大好日子，不過我想食餃子嘅願望一定都要滿足。

所以尋日一早去到街市買齊材料，晚上包餃子食。

晏晝老公話返嚟食飯。

咁有洗好嘅韭菜，就用佐一細細扎，剁碎。

煎個蛋，剁碎。

將韭菜同雞蛋撈勻，俾啲花椒油、五香粉、香油、XO醬、鹽，撈勻個韭菜雞蛋餡。

再用幾塊餃子皮，包韭菜餡入去。

好簡單，包好餡，直接對折封好個口就搞掂。

俾少少油，煎韭菜餃，即係細型嘅「韭菜盒子」

我會先煎一煎到表皮香脆。

然後落一細湯匙水，因為係餃子皮，唔係自己新鮮整嘅面皮，會比較硬身，所以落少少水，等佢有少少蒸氣，咁個皮會軟身啲。

加水焗大約一分鐘左右，揭蓋，再兩面煎一分鐘至香脆，搞掂`~

香噴噴煎韭菜盒子~~~

淥多個米粉。。。。

真係煎得好香脆㗎~~~

而且韭菜餡較得味好香~~~

強哥至鐘意香口嘢，食到佢停唔到口添~~

晚上。

包佐韭菜豬肉餃。

用水煮。

具體做法以前寫過，有興趣可以搵返以前寫過的餃子做法。

包佐將近四十隻，煮二十幾隻，留返十幾隻第二日早上再煮過。

我會留生嘅餃子，雪硬佢，咁第二日再煮，就又好似新鮮咁㗎啦。。。

我食得好少，七八隻已足夠~~~

多菜少肉，少食多滋味~~~

 

晏晝老公一返到嚟，神神秘秘同我講「估下我買佐啲咩俾你~~」

懶得估，唔睬佢，以老公嘅性格，肯定忍唔住，果不其然，佢即時好興奮咁係背襄度擸佐盒模型出嚟~~~

嘩~~~原嚟係果隻我好鐘意嘅Q版高達模型~~~

搵佐好多地方都買唔到，尋日晏晝老公係樓下商場嘅模型舖，掃一眼俾佢掃到有依盒模型喎，咁總唔即時買返嚟俾個老婆仔~~

夜晚食飽飽砌模型~~~

兩個幾鐘就砌好啦｀～～～

係咪好Ｑ咧。。。

手短腳短，頭又大。。。好Ｑ啊～～

多謝老公啊～～～

同老公個原型比，真係好鬼Q嘅姐~~~