優雅前菜-----煙肉芝士焗薯仔

依個小食係無意中整出黎的，當時未搬新屋，未買焗爐，平日用微波爐泡制食物，后黎停佐用微波爐，改用焗爐同傳統的煮食工具，依家整理出黎，家中有微波爐或者焗爐者，都可嘗試整整，材料易搵，味道濃郁，外形可愛，而且可以提前整定，有客黎到再整番熱佢即時可食。

作法：1，用薯仔一個，入微波爐或焗爐，焗到皮肉分離，當時我用微波爐整，就用大火叮佐五分鐘，為令個薯仔受熱均勻，我用四條牙籤將個薯仔頂起，咁樣個底都可以受熱。

睇下，五分鐘大火之后，個薯仔基本熟佐。

2，將個薯仔對半切開，將肉取出，小心取肉，留番個完整的皮。

3，將煙肉切粒，再有少少李錦記的黑椒醬，同個薯仔肉撈勻

4，將整好的餡塞番入個薯仔皮度，跟住在面度舖上一舊仔細細的芝士，再擺番入微波爐度焗一分鐘，等D材料熱番，個芝士融佐。（我試過將芝士一起撈入個餡度，味道一樣好味，但視覺上，不如個芝士披係面度咁靚）

就係咁簡單，黑椒同薯仔的味配合得好好，加上煙肉的香味，最后的芝士味再慢慢滲出黎，好有層次感。。。。

如果請人番黎屋企食飯，可以預先整定一打，飯前當小食咁食，美觀又大方~~