尋晚發夢，夢到我又回到細細個果陣時，同屋企人不和，心思思要離家出走，感覺世上無人真正關心我，雖然夢中的我係一個小朋友，但係硬係響個心度好深刻咁知道，其實生命中有一個好重要好重要的人，但係我點都記唔到究竟依個人係邊個，依种感覺，係由個心最深處的難過，慢慢滲出到四肢百胲，直至醒番，依种好深處的失落感都依然令到我周身難過。
晚上老公收工番黎，即時同佢講佐夢中的感受，老公隨即緊緊攬住并安慰：「老公就係你生命中最重要最重要的果個人，無論夢中或現實，都有老公響度，唔使驚」----聽完，即時整個人，舒展開~~
心境未能平靜的時候，入廚絕對係一种非常好的舒緩方式。所以今日整佐一個需要比較多工夫與程序的菜-薑蔥枝竹魚腩煲。
材料：姜，蔥，紅蘿蔔，炸好的枝竹，魚腩肉
作法：1，將魚肉用醬油+胡椒粉+生粉腌好
2，然后將魚腩二面煎香
3，跟住重新起鍋，鍋裏下油，爆香姜蔥，倒入醬油與少量面豉醬炒香，加入魚腩與枝竹炒香，加少少水略略一燜燜，就可以裝到小砂煲裏保溫啦~~
順便煎了個菜脯煎蛋
菜脯是潮州話的叫法，其實就是蘿蔔幹，作法更是簡單，先將切碎的菜脯下鍋加醬油與糖略略炒香，原鍋倒入打好的蛋液上去，灑點蔥，二面煎香即可。
簡單得來，好送飯。
例牌都需要一個青菜，所以就用蠔油炒佐一個生菜，今晚就係咁多~~
沒有留言:
張貼留言