新年第一日，整個大波妹俾大家嘆下~~~
涼拌酸菜~~~
自家整嘅酸菜，好乾淨衛生，唔怕生食。
就咁洗凈，切碎，然後少少乾辣椒，砂糖、香麻油、少許雞粉，撈勻~~~
砂糖唔怕多啲，因為酸菜較酸，要糖嘅甜去中和個酸度。
簡簡單單拌埋，就係好好好開胃嘅一款小食~~~
晚上，煲啖湯飲下。好耐無煲過湯俾強哥。
西施骨，粉葛，亦小豆，花生，陳皮。
夜晚五點先用高壓煲嚟煲，無咁濃，唔理啦，求其有啖湯飲下。
買佐隻大肥雞，三斤半重，一半愛嚟整豉油雞，香噴噴~~~
炒多碟紅菜心。。。
新一年，第一餐，用一小時烹製，美美味味，由年頭到年尾~~~
合皮扭耳！ 祝你同強哥2011幸福快樂！
回覆刪除[版主回覆01/02/2011 23:15:00]合皮扭耳~~哈哈哈~~
小菲女,
回覆刪除你個D兜兜仔係辺樹買架..貴唔貴呀??我早幾日都買咗紅菜心食..但我老公話唔好食..唔知係咪我煮得唔好呢..不過我覺得E隻菜比較淋..我只係清炒..
[版主回覆01/02/2011 23:14:00]邊啲兜仔？裝湯果啲不銹鋼碗仔？唔記得係邊間舖頭特價果時買㗎啦，我買餐具都係好隨興，太貴果啲我唔捨得㗎。
口味依樣嘢好個人化嘅，可能係你老公本身唔多鐘意果種口感同味道都唔出奇㗎，未必關你煮嘅事，俾自己多啲信心~~~
大波妹+酸菜, 睇見到口水流
回覆刪除[版主回覆01/02/2011 23:12:00]又真係諗起都流口水嘅~~
新年快樂, 身體健康~
回覆刪除[版主回覆01/02/2011 23:12:00]大家咁話~~
(Empty)
回覆刪除你好. 這是我第一次跟你留言. 我想問電陶爐的問題. 我知你是幫內地買的. 那麼插頭你怎麼辦? 新年快樂, 身體健康
回覆刪除[版主回覆01/04/2011 11:14:00]新年快樂啊~~
插頭我就唯有加多個轉換頭去遷就啦。。。
下次影個帥哥比我嘆下 ^^
回覆刪除[版主回覆01/04/2011 11:13:00]帥哥~~留返自己私下嘆啦。。。。
真是美味的一餐~~~
回覆刪除衝浪 衝浪 GIA鑽石 黃金回收 銀樓 GIA鑽石 黃金回收 銀樓 家具 傢俱 房子買賣 房子買賣 藝品 藝品
[版主回覆01/04/2011 11:12:00]好簡單嘅住家餸~~~
很多謝你關於電陶爐的回覆. 我已看你的文章有兩年多. 一直都很欣賞你的文筆.特別是你舒發個人感受. 所以希望你能繼續在此BLOG發表. 祝你跟強哥幸福快樂, 快D做媽咪.
回覆刪除[版主回覆01/13/2011 14:19:00]係你咁熱情嘅網友推動我一直刻錄自己嘅生活片斷，好多謝你嘅祝福~~
小菲菲俠啊，我依家都整緊自己酸菜啊，不過摞出黎嘅陣時摸落去D水是滑溜溜的感覺，甘樣系米正常噶？
回覆刪除[版主回覆01/13/2011 14:21:00]滑滑啊。。。好似阿媽整果啲摸落都有啲滑滑，你有無見到水面有起白泡啊？如果無白泡，滑滑都正常。同埋就咁聞落，有無異味啊？如果個味唔正常，最好無食啦。。。