簡單煲皮蛋瘦肉粥

今日出街，遇到街坊，第一個招呼嘅定必係「凍唔凍啊」~~

真係凍到七彩。。。

出街買餸，全付武裝。

冷帽，手襪，厚頸巾，羽絨衫~~~

真係凍。。。。

晏晝強哥返嚟食飯，所以出門買餸之前，先用飯煲，半杯米，三杯米嘅水量，就咁開制煮飯。

「加埋一個皮蛋，少少薑絲、瘦肉、梅菜粒一起同煮」

買完餸返嚟，濕濕嘅飯煮好~~

唔洗睇火，由得飯煲自己煮飯咁煮~~

算係介乎飯與粥之間嘅狀態，如下圖`~

然後加水，開火煮三五分鐘~~~

我又用返果個紅外線爐啦，原來用佐適合嘅煲或者鑊，依個爐嘅加熱速度，係非常非常猛烈㗎~~~

我個玻璃煲，加熱嘅速度，真係好快~~

再開火煮一煮至米內面嘅黏性出嚟，咁就成為一煲熱辣辣，又綿又滑嘅粥啦。

唔洗睇火果下，真係好好㗎~~~

凈有少少瘦肉，咁就開細火，慢慢煸炒將肉入邊嘅油逼出嚟。

加埋少少蒜蓉入去一起爆香。

因為我屋企啲鑊都係電磁爐用嘅，超厚底嘅鑊，用電磁爐就好快傳熱，但係用著依個紅外線爐，加熱嘅速度好慢，炒起餸，真係又慢又無味，所以個爐收埋無用好耐。

早幾日係先施見到隻陽極鑊做特價，又細細一隻，咁就平平哋買佐隻返嚟試用。

其實依隻鑊阿媽之前係先施都買佐一個，佢都話過幾好用。

個鑊底唔算太厚，而且陽極鑊唔洗怕有涂層，又唔會生銹，傳熱快，炒菜又有鑊氣，所以一路都諗住買返個㗎啦。

依家換佐隻鑊，嘩，真係覺得猛火到飛起~~

佢厚薄適中，又輕身，加熱速度真係好快~~

只開佐好細火力，慢慢炒瘦肉，唔痴底~~~

炒菜嘅時候，通常落佐鹽，菜就會有水逼出嚟，如果火唔夠猛，就會煮到水汪汪，依家換佐個鑊，炒起餸，好有鑊氣，火夠猛，菜汁都被鎖住，睇下，落佐鹽，炒到尾，都唔會水汪汪~~~

其實一般家庭無需買太大嘅鑊，我依個鑊都不過係28CM，炒一斤嘅菜都絕對無問題，細細隻易擺又易洗~~~

炒完菜，順手洗埋個鑊，趁住個爐有餘熱，擺上去，利用餘熱，好快將水氣蒸干哂~~

唔同生鐵鑊，生鐵鑊用完即刻要洗好晾乾，如果唔係好快生銹，依啲陽極鑊，唔怕生銹好打理，不過如果唔識得用，一樣好痴底㗎，我用慣不銹鋼鑊，所以都唔怕佢痴底嘅~~~

三幾下炒好碟菜`~~

凍凍嘅天氣，晏晝果餐飲一大碗熱辣辣香噴噴嘅粥水，配埋碟菜，胃部無負擔，好舒服~~