肉餅的一天

豬肉係平民百姓家最基本嘅食材。

買舊上肉剁碎，不過12蚊雞，已足夠兩餐份量。

中午蒸肉餅，咸蛋蒸肉餅。

強哥俾意見「不如俾少少臘腸入去啊，咁又有肉餅又有臘腸味，可能幾好㗎」

有幾難，面舖多幾片臘腸~~~

買佐斤童蒿，俾我去佐外外里里頭頭尾尾，睇落都總有幾多㗎，點知一炒完，得返細細一碟咋~~~

一擺出嚟強哥第一反應「一斤」？

係啊。。。。

晚餐，繼續肉餅。

上次睇美食節目，見人整得成座山咁得意，當然照抄~~

肉就簡單地用「生粉、糖、鹽、酒、味精」醃好，攪至起膠。

然後擺成一座山咁嘅款，再係面擺多粒咸蛋，倒多半粒咸蛋白~~

 

前日買佐一支細細支味精，成日話到食味精會死咁，所以由我學煮餸開始，從來未買過味精嚟食，受新聞影響，覺得所有帶有「味精」二字嘅食物，都係有毒之物，唯有避之不及~~

曾經有幾年時間，所有嘅廚藝比賽一定唔準使用味精，但依個規定，幾年之後就解除，因為就係缺少佐果幾粒味精，味不成味，再成不了古味，古時嘅味道，傳統嘅嘢，係要得到保護㗎。

所以我都試著落佐幾粒味精落去~~~

上鑊蒸半個鐘。。。。

因為較厚身，所以我都蒸耐啲等佢熟透嘛。。。。

點知。。。。

未知是否屋企火力唔夠，半個鐘，竟然撥開一睇，中間總係粉紅色㗎。。。

即刻將「肉山」劈開~~~~

再回鑊蒸多五分鐘，先叫全熟。。。。

然後俾扎蔥花，淋啲蒸魚豉油，嘩，香到咧。。。。。

老公話，同出邊食到嘅味，一模一樣啊~~~

可能，就係果幾粒味精嘅關係？

凈返嘅一細舊牛肚，同西蘭花炒埋一碟~~~

 

問強哥，食佐一日嘅肉餅，膩唔膩。

答我「連續食一個星期肉餅我都唔會膩啊」~~~

果然係強哥~~