又整包包

又整包包食~~

早餐有暖笠笠包包食真係舒服~~

依次整沙葛包。。。

強哥超級鐘意個味道。

詳細調餡制法可見依個網址「沙葛包做法」

新買嘅鑊跟一個蒸籠。。。

所以好好解決佐我蒸嘢嘅問題~~

我依家都係直接搓好麵粉就直接包，直接係蒸籠上發酵後直接蒸。

個鑊配嘅蒸籠都夠大，一次可以蒸十隻包包左右添㗎。。。

發佐酵嘅包包，底啲皮墜佐落嚟，打橫睇，勁似一粒粒奶奶頭係風中搖曳。。。

以前成日被啲水蒸氣搞到包皮變皺皮，所以依次蒸包，係面度舖上一塊紗巾，然後再蓋上蓋去蒸，咁樣啲水蒸氣全部落佐係塊紗布上，蒸出嚟嘅包包，個個皮光肉滑，好掂，以後蒸包就咁樣處理~~

睇下，蒸好嘅包包，個個都好靚仔靚女啊。。。。

提早一日整好嘅包包，第二日早上蒸返熱佢即刻有得食~~

強哥對濃郁胡椒味嘅包包，贊不絕口~~

包好鬆軟餡好香~~~

再隔一日，將兩個圓形饅頭蒸返熱再對半切開。

然後煎個蛋，一塊漢煲扒，夾埋~~

饅頭三文治做早餐~~~

快、靚、正~~